هلمند محلی مسووللری نینگ ایتیش‌لریچه، اوشبو ولایتده جاده چیککه‌سیده جایلشتیریلگن میان نینگ پارتله‌گنی سبب، ۹ تینچ اهالی هلاک ایتیلگن.
هلمند حاکمی سوزلاوچیسی عمر زواک نینگ ایتیشیچه، بو واقعه بوگون “پنجشنبه” ایرته‌دن چاغیده اوشبو ولایت مرکزی لشکرگاه شهری نینگ ۱۰- امنیتی حوزه‌سیگه تیگیشلی «بشران» منطقه‌سیده یوز بیرگن.
اونینگ ایتیشیچه، تینچ اهالینی انتقال بیره‌دیگن بیر موتر طالبان تامانیدن جایلشتیریلگن ماین بیلن دوچ کیلگن.
هلمند حاکمی سوزلاوچیسی نینگ کوپه‌یتیریشیچه، بو واقعه نتیجه‌سیده عیال‌لر و باله‌لر شامل ۹ کیشی هلاک و باشقه ۳ باله یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.