نیوزیلند باش وزیری جسیندا آردرن نینگ اعلام قیلیشیچه، جاری ییل می آیی گچه افغانستانده‌گی بوتون حربی‌لرینی چیقاره‌دی. نیوزیلند باش وزیری نینگ ایتیشیچه، مذکور حربی‌لری نینگ افغانستان دن چیقیشی خلق‌ارا بیرلشیک‌لرنینگ اویغونلیگی بیلن صورت تاپه‌دی.
گاردین کونده‌لیگی نینگ گزارشی اساسیده نیوزیلند باش وزیری نینگ ایتیشیچه، افغانستان‌لیکلرارا سوزلشوولر افغانستان ده دواملی سیاسی بیر ییچیم یول نی کورسته‌دی. اونینگ اورغولشیچه، افغانستان ده نیوزیلند حربی‌لری نینگ قالیشی هیچ کیره‌ک ایمس.
نیوزیلند باش وزیری نینگ کوپه‌یتیریشیچه، مذکور مملکت حربی‌لری ایکی دهه افغانستان ده قالگن و حاضر بو حربی‌لرنینگ اویی گه قیتیش زمانی کیلگن. میلادی ۲۰۰۱- ییل دن بویان کمیده ۳ مینگ و ۵۰۰ نیوزیلندلیک حربی افغانستان گه موجود ایکن کیم اولردن کوپینچه‌سی بامیان ولایتی گه جایلشگن ایکن.
گاردین کونده‌لیگی نینگ گزارشی اساسیده، اوتگن ایکی دهه ده نیوزیلندلیک حربی‌لردن ۱۰ ته‌سی افغانستان ده هلاک بولگن. حاضر یالغیز ۶ نیوزیلندلیک حربی افغانستان گه موجود کیم اولردن ۳ ته‌سی افغان حربی‌لری نینگ تعلیمات بیریش گه و قالگنی ایسه کابل ده‌گی ناتو قومندانلیک مرکزیده جایلشگن.
شونده‌ی بیرحالده، ینگی لیکده ناتو باش کاتبی ینس استولتنبرگ مذکور تشکیلات حربی‌لری توغری زماندن آلدین بو مملکت نینگ ترک قیلمه‌سلیکلرینی بیلدیرگن ایدی.
شونینگدیک بوگون هم ناتو گه اعضا مملکتلرنینگ مدافعه وزیرلری مجازی بیر اوچره‌شوو آرقه‌لی افغانستان ده چیت‌ایللیک کوچلرنینگ حضوری نی تیکشیریب و بو حربی‌لرنینگ چیقیش زمانی توغریسیده قرار آلیش‌لری ممکن.
طالبان و آمریکا آره‌سیده امضالنگن کیلیشوونامه اساسیده، چیت‌ایللیک کوچلرنینگ برچه‌سی می آیی گچه افغانستان نی ترک قیلیشی گه قرار قیلینگن ایدی، بیراق سونگی پیت‌لرده آمریکا و ناتو رسمی‌لری طالبان بیرگن وعده‌لریگه عمل قیلمه‌گن دیگن.
