قاچقینلر قیینچیلیکلرینی حل قیلیش بوییچه عالی کمیسیونی، بیر کونده ایران و پاکستان دن ۵ مینگ ۹۸۶ افغانستانلیکنینگ چیقریلگنینی معلوم قیلگن.
مذکور کمیسیون، بیر بیانیه آرقهلی اوشبو کیشیلرنینگ اوتگن کون (۲۴-عقرب، شنبه)، افغانستان گه کیلگنینی یازگن.
بیانیه اساسیده، بیر مینگ ۲۶۵ عایلهدن عبارت بولگن بو کیشیلر، هرات ده اسلامقلعه، نیمروز ده پلابریشم، قندهار ده اسپینبولدک و ننگرهار ده تورخم چیگره قتناو یوللری آرقهلی افغانستان گه کیلگنلر.
قاچقینلر قیینچیلیکلرینی حل قیلیش بوییچه عالی کمیسیونی، اصلی شهرلریگه باریشلری مقصد قیتگن قاچقینلرگه یاردم بیریلگنینی بیان قیلگن.
ایران و پاکستان، اوتگن ییللردن بویان افغانستانلیک قاچقینلر میزبانی بولیب و سونگی ییللرده افغانستان یشاوچیلرینینگ چیقریلیش جریانینی کوچهیتیرگن. خلقارا قاچقینلر تشکیلاتی معلوماتیگه کوره، اوتگن ایکی ییلده، اوشبو ایکی مملکتدن تورت میلیوندن آرتیق کیشی افغانستان گه قیتریلگن.
