ناتو تشکیلاتی نینگ ایتیشیچه، اوشبو تشکیلات افغانستان امنیتی کوچلریدن حمایت قیلیش‌گه دوام بیره‌دی.
ناتو نینگ توییتر صحیفه‌سیده یازیشیچه، افغانستان بوییچه ناتو نینگ ملکی نماینده‌سی اوشبو سوزلرنی غور، لغمان و هلمند حاکم‌لری بیلن اوچره‌شوویده بیان قیلگن.
ناتو تشکیلاتی تامانیدن نشر قیلینگن توییت‌گه کوره، بو تشکیلات افغانستان امنیتی کوچلری نینگ سعی و حرکت‌لریدن منت‌دارلیک بیلدیریب و حمایت قیلیش‌گه دوام بیره‌دی.
غور حاکمی نورمحمد کوهنورد نینگ سلام‌وطندارگه ایتیشیچه، مذکور اوچره‌شوو اوتگن “پنجشنبه” کونی صورت تاپگن و ناتو تشکیلاتی اوشبو ولایتده جایلشگن امنیتی کوچلردن حمایت قیلیشینی بیلدیرگن.
سونگی کون‌لرده غور ولایتی نینگ امنیتی وضعیت یمان بولگن بیر چاغده، ناتو تشکیلاتی نینگ ملکی نماینده‌سی غور حاکمی بیلن اوچره‌شگن.
غور ولایتی کینگش اعضاسی محمد مهدوی نینگ ایتیشیچه، امنیتی نهادلر و اوشبو ولایت محلی حکومتی آره‌سیده هماهنگ‌لیک بولمه‌گن سبب، ناتینچلیکلر کوپه‌یگن.
غور یشاوچی‌لری و ولایتی کینگش اعضالری، مرکزی حکومت و چیت‌ایللیک نهادلردن اوشبو ولایتده انسانی فاجعه یوز بیریشی‌گه توسیق بولیش‌لرینی سوره‌گنلر.
ایتیلیشیچه، نیچه پیت آلدین غور ولایتی بوییچه طالبان تامانیدن نام‌لنگن حاکم نینگ اورین باسری ملا احمدشاه، بیر صوتی پیام نشر قیلیب فیروز کوه شهریده قانلی هجوم اویوشتیریش‌لریدن آگاه‌لنتیرگن.