ناتو قیروچی اوچاق‌لری لیتوانی هوا حدودیگه کیرگن بلاروس‌نینگ پهپادینی اوریب توشیردی.
ییتکرمه‌لرنینگ معلوماتیگه کوره، بوگون (۲۴ سنبله/۱۵ سپتمبر، سه‌شنبه) بلاروس توپراغیدن کیریب و غرب تامان حرکت گه بولگن بو پهپاد، کاوناس شهری یقینیده جایلشگن پراتکونای قیشلاغی حدودیده اوریب توشیریلگن.
شو بیلن بیرگه، لیتوانی پایتختی ویلنیوس شهری و اطرافی‌ده هوا خوفی حقیده آگاه‌لنتیریش اعلان قیلینگن.
عین‌حالده، پولند هم روسیه‌نینگ اوکراین گه قرشی دران هجوملری آرتیدن احتیاد چاره‌سی صفتیده حربی-هوا کوچلرینی ایشگه توشیرگن. اوتگن کونی پولند حربی‌لری بالتیک دینگیزی ساحلی‌ده، روسیه گه تیگیشلی بولیشی ممکن بولگن دران تاپیب آلگن.
لیتوانی، لتونی و استونیا روسیه بیلن چیگره‌داش ناتو گه اعضا دولتلر حسابلنه‌دی. اوشبو مملکتلر حدودیگه روسیه اوکراین گه قرشی کینگ کولملی اوروش باشلنگنیدن بیری پهپادلرنینگ کیریب کیلیشی بیلن باغلیق بیر نیچه حادثه قید ایتیلگن.
