اروپا ملتلر لیگهسی یریم فاینل باسقیچیده پرتگال فوتبال ملی تیرمه جماعهسی جرمنی گه غلبه قازاندی.
آلینز آرنا کلوبیده ۷۵ مینگدن آرتیق تماشابین گواه بولگن اوشبو تینیمسیز و شدتلی اویینده، پرتگال جرمنی اوستیدن ۲:۱ حسابیده غلبه قازاندی.
بیزلرنینگ فیسبوک صحیفهمیزگه باش اورینگ!
بیللشوونینگ بیرینچی بولیمیده هر ایکّی جماعه احتیاطکارلیک بیلن حرکت قیلدی و گل اوریلمهدی. اما ایکّینچی تایم باشلنیشی بیلن توپلر کیریش سیرهسی باشلندی.
۴۸-دقیقهده جرمنینینگ یاش یولدوزی فلورین ویرتز حسابنی آچدی و اۉز جماعهسینی آلدینگه آلیب چیقدی. اما پرتگال جوابسیز قالمهدی.
۶۳-دقیقهده فرانسیسکو کونسیسائو وضعیتنی تېنگلشتیردی، آرتیدن ۶۸-دقیقهده پرتگال فوتبال یولدوزی و بیش آلتین توپ غالبی کریستیانو رونالدو غلبهلی گلنی اوردی و پرتگالنی اروپا ملتلر لیگهسی فاینلی گه یېتکلهدی.
بیزلرنینگ «ایکس» ترماغی ده هم تعقیب قیلینگ!
رونالدونینگ بو گلی نهفقط جماعهسیگه یوللنمه آلیب کېلدی، بلکه اونینگ ملی جماعه صفتیده ېنه بیر مهم تاریخی لحظهسینی قید اېتدی.
شو بیلن بیرگه، اسپانیا و فرانسه اورتهسیدهگی بیللشوو غالبی – اوشبو کیچه ۱۵-جوزا، پنچشنبه کابل وقتی بیلن ساعت ۱۱:۳۰ ده اۉتکزیلهدی، پرتگال رقیبی بولیشی ممکن.
