هوا اوزگریشلریدن افغانستان ایکینچیلیک سکتوری‌نینگ زیان کوریشی دوامی‌ده، ننگرهار ولایتی چپرهار تومنی‌ده‌گی دهقانلر‌نینگ ایتیشلریچه، جاری قویاش ییل‌ده سوو کم‌لیگی سبب، مینگلب جریب ییرگه هیچ نرسه ایکیلمه‌گن.
چپرهار تومنی‌ده‌گی دهقانلردن نذیراحمد‌نینگ ایتیشیچه، اوشبو تومن‌ده‌گی بولاق‌لر و باشقه سوو منبع‌لری قوریگن. اونینگ کوپه‌یتیریشیچه: «هر مرته محصول‌نی ایکیب و حاصل گه کیلگنی‌ده، سوو کم‌لیگی سبب کویه‌دی. دولت‌دن بیزلر گه سوو ذخیره‌لری قوریلیشینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
چپرهار تومنی‌ده‌گی دهقانلردن باشقه بیری مرجان‌گل‌نینگ ایتیشیچه، سوو کم‌لیگی سبب ییرلریدن بیر بولیمی‌گه هیچ نرسه ایکمه‌گن. «اسلام امیرلیگی رسمی‌لریدن بو تومن‌ده سوو توغان‌لری قوریلیشی و نیاز بولگن‌گه قدر سوو‌نینگ قوییب یوباریلیشی‌نی ایسته‌یمیز؛ بو رقم قودوق‌لریمیز‌گه هم زیان ییتیشمه‌یدی.»
اوشبو دهقانلر، ننگرهار ایکینچیلیک، سووغاریش و چاروه‌چیلیک ریاستی‌دن، مذکور تومن‌ده سوو کم‌لیگی قیین‌چیلیگی حلی اوچون سوو توغان‌لری قوریلیشینی ایسته‌گنلر.
افغانستان هوا اوزگریشلریدن زیان کوره‌دیگن آلتینچی مملکت دیر و بو اوزگریشلر، ییل‌ده مذکور مملکت ایکینچیلیک سکتوری‌گه ۲۸۰ میلیون دالر زیان ییتیشتیره‌دی.
ننگرهار ایکینچیلیک، سووغاریش و چاروه‌چیلیک ریاستی‌ده مسئوللر‌نینگ ایتیشلریچه، هوا اوزگریشلری سبب، اوشبو ولایت‌نینگ بیر قطار تومن‌لریده ییر آستی سوولر سطحی کمه‌یگن.
اوشبو ریاست‌نینگ ییتکرمه‌لر بولیمی مسئولی اجمل سبحانی‌نینگ ایتیشیچه، چپرهار تومنی‌ده سوو کم‌لیگی قیین‌چیلیگی حلی اوچون، اوشبو تومن‌ده سوو توغان‌لری قوریلیشی باشلنگن. اونینگ کوپه‌یتیریشیچه: «بو تومن‌لر‌نینگ تقسیم‌بندی قیلماقچین‌میز؛ اولردن بیرته‌سی‌نینگ سووی کم یا-ده بولمه‌گنی بیرحالده، بیرته‌سی سوو کوپ دیر. چپرهار و رودات کبی. چپرها‌رده نهاد‌لر یاردمی بیلن سوو توغان‌لری قوریلیشی‌نینگ دوامی بار.»
ننگرهار ایکینچیلیک، سووغاریش و چاروه‌چیلیک ریاستی‌گه کوره، مذکور ولایت‌نینگ تومن‌لریده، ۲۲۵ کاریز بار که اولردن بیر قطاری قوروق‌چیلیک و چقور قودوق‌لر‌نینگ قازیلگنی سبب قوریگن.
بیزلرنینگ فیسبوک صحیفه‌میزگه باش اورینگ!
ننگرهار ایکینچیلیک ایشلری بوییچه ایش بیلرمان عوض‌خان شیرزاد‌نینگ ایتیشیچه، هوا اوزگریشلری، حددن تشقی سوولردن قوللنیش و چقور قودوقلرنی قازیش، ننگرهار ده سوو کم‌لیگی اصلی سببلریدن دیر. «سوو‌نینگ کم نیاز بولگنی جای‌ده، دهقانلر حددن تشقری سوو مصرف قیله‌دیلر. دهقانلر سوو سقلنیشی اوچون ییرلری‌نینگ بیر چیککه‌سیده کیچیک سوو ذخیره‌لرینی قوریشلری یا-ده سووغاریش اوچون قطره‌یی سیستم‌لردن ایش آلیشلری کیره‌ک که بو قیین‌چیلیک بیراز حل بولسه.»
سونگی ییللر افغانستان ده هوا اوزگریشلری ایکینچیلیک سکتوری یانیده، باشقه بولیم‌لرگه هم زیان ییتیشتیرگن. اطراف-محیط‌نی سقلش ملی اداره‌سی آرقه‌لی بیریلگن معلومات‌لر اساسیده، اوشبو مملکت هوا اوزگریشلری عاقبتی بیلن قرشی کوره‌ش اوچون ۲۰۳۰-ییل‌گچه، ییل‌ده ۲۰.۶ میلیارد دالر گه نیازی بار.
