ننگرهار ده بیر قایق نینگ چپه بولگنی نتیجه‌سیده، ۲۰ کیشی اولیب و بیش کیشی ایسه یره‌لنگن.
ننگرهار ولایتی نینگ ییتکرمه‌لر دفتری بیر بیانیه ترقه‌تیب ایتیشیچه، اوشبو واقعه بوگون (شنبه، ۱۲-جوزا)، ساعت ۰۷:۳۰ اطرافیده، اوشبو ولایت مومندره تومنی نینگ «باسول» منطقه‌سیده یوز بیرگن.
بیزلرنینگ «ایکس» ترماغی ده هم تعقیب قیلینگ!
بیانیه اساسیده، مذکور قایق نینگ غرق بولگنی نتیجه‌سیده، عیال‌لر و باله‌لر شامل ۲۰ کیشی اولیب و بیش کیشی ایسه یره‌لنگن.
ایتیلیشچه، حاضرگچه اولگن کیشیلردن ۹ ته‌سی نینگ جسدی تاپیلیب و باشقه جسدلر نینگ تاپیش اوچون سعی‌وحرکت نینگ دوامی بار.
باشقه بیر تاماندن، محل یشاوچیلریدن کامران مومند نینگ سلام‌وطندار گه ایتیشیچه، قایق‌ده‌گی یولاوچیلردن ۱۰ ته‌سی قوتقریلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، باشقه جسدلر نینگ تاپیش اوچون قوتقریش تیم‌لر بیلن محل یشاوچیلری نینگ سعی‌وحرکتی دوام قیلماقده.
تیز سرعت بو قایق نینگ چپه بولگنی سببلریدن دییلگن.
