ننگرهار ولایتی سرخ‌رود تومنی یشاوچیسی بولمیش ۶۵ یاشر سیفور، ایکی کون آلدین یشش اویی نینگ تامی قوله‌شی عاقبتیده، عایله اعضاسیدن ۱۱ کیشی نی قولدن بیرگن.
اونینگ ایتیشیچه، قتیق یاغینگرچیلیک نتیجه‌سیده یشش اویی نینگ تامی قوله‌ب، اوغیل و نبیره‌لری شامل عایله اعضاسیدن ۱۱ کیشی خرا‌به‌لر آستیده قالگن.
بیزلرنینگ فیسبوک صحیفه‌میزگه باش اورینگ!
سیفور گه کوره، اوتگن ییل توی قیلگن اوغیل‌لریدن بیری هم ایکی فرزندی بیلن آوارلر آستیده قالیب و جان بیرگنلر.
او کوز یاشلری بیلن صحبت‌لری گه دوام بیریب ایتیشیچه: «بو اوغلیم اوتگن ییل توی قیلیب تازه بیر قیز صاحبی بولگن ایدی؛ اونینگ خوشلیگی اوچون توپلنگن ایدیک؛ اوغلیم نینگ آته بولگنی اوچون خوشحال ایدیک.»
سیفور نینگ قوشنی‌سی بولمیش فواد، لای بولگن کییمی بیلن دیوار گه تکیه بیریب و ایتیشیچه، ایکی کون‌دن بیری سیفور عایله اعضاسی نینگ جسدلری نی آوارلر آستیدن چیقریب و کوپ خفه بولگنی سبب اوخله آلمه‌گن.
عین حالده، ننگرهار معلومات و مدنیت ریاستی نینگ اطلاعات آمری صدیق‌الله قریشی نینگ ایتیشیچه، ایکی کون آلدین اوشبو ولایت مرکزی جلال‌آباد شهری‌ده و سرخ‌رود، بهسود و بتی‌کوت تومن‌لریده یوز بیرگن قتیق یاغینچرلیک نتیجه‌سیده، ۳۵ کیشی اولیب و ۳۰۰دن آرتیق کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
ننگرهار معلومات و مدنیت ریاستی نینگ اطلاعات آمری گه کوره، ۴۰۰ یشش اوی نینگ قوله‌شی گه علاوه، برق و مخابراتی ترماق‌لر پایه‌لری هم چپه بولیب و اهالی نینگ برق‌دن فایده‌لنیش امکانیتی کیسیلگن.
ایتیش کیره‌ک که، ایکی کون آلدین کنر و لغمان ده هم یوز بیرگن یاغینگرچیلیکلر نتیجه‌سیده، بیر قطار کیشی اولیب و اهالی گه مالی زیان‌لر هم ییتیشگن.
