اسلام امیرلیگی تشقی ایشلر وزیری امیرخان متقینینگ ایتیشیچه، افغانستان حدودیده پاکستان طالبلر تحریکی (تیتیپی) گه تیگیشلی هېچ قندهی مرکز یا که قرارگاه یوق و اسلامآباد دن افغانستاننی عیبلش اورنیگه اۉز توپراغی ایچیدهگی قیینچلیکلرنی نظارت قیلیشنی سورهدی.
متقی جنابلری، ۲۰-میزان، یکشنبه کونی هندوستان پایتختی ینگی دهلیده مطبوعاتی ییغیلیشده ایتیشیچه، پاکستاننینگ اکثریت اهالیسی تینچلیک طرفداری بولیب و افغانستان بیلن یخشی مناسبتلر اورنهتیشنی اېستهیدیلر.
امیرخان متقی گه کوره، اسلام امیرلیگی پاکستاننینگ تینچ اهالیسی بیلن هېچ قندهی قیینچیلیکلری یوق و فقط «بیر نیچته شخصلر» بار اولر زورهوانلیکلر گه سبب بولماقده.
تشقی ایشلر وزیری، اوتگن کیچه اسلام امیرلیگی حربی کوچلرینیگ پاکستان گه قرشی هجومی بارهسیده شوندهی دیېدی: «اوتگن کیچه پاکستان گه قرشی قصاص آلیش هجوم تورت ساعت دوام ایتدی، اۉز مقصدیگه یېتدی و هجوم چاغیده بیز هېچ قندهی تینچ اهالی جبرلنمسلیگی اوچون حرکت قیلدیک.»
پاکستان اوتگن هفته پایتخت کابل شهری همده پکتیکا ولایتی برمل تومنی گه قرهشلی «مرغه» حدودلریده بیر بازارنی هوا آرقهلی نشانگه آلدی.
بو هجومگه جواب، اسلام امیرلیگی مدافعه وزیرلیگی، شنبه کیچه دیوریند چیزیغیده قصاص آلیش هجوم اویوشتیریلگنینی بیلدیردی.
