اسلام امیرلیگی و عمان تشقی ایشلر وزیری بدر بن حمدالبوسعیدی، تلفونی سوزلشدی.
تشقی ایشلر وزیرلیگی، بوگون (۲۰ حوت/۱۱ مارچ، چهارشنبه) ایکس صحیفهسیده بیر بیانیه ترقهتیب، تامان اوشبو تلفونی علاقهده افغانستان و عمان مناسبتلری مستحکملنیشی، منطقه اینیقسه امریکا و اسرائیل بیلن ایران اوروشی حقیده بحث ایتگنلرینی بیلدیرگن.
بیانیه گه کوره، اوشبو تلفونی صحبتده تامانلر، یقین شرقدهگی اوزگریشلردن خواطر بیلدیریب و باشقه مملکتلرده اوروش کینگهیشینی قارهلشگن.
تشقی ایشلر وزیرلیگی بیانیهسیده شونینگدیک ایکی تامان، افغانستان و پاکستان اورتهسیدهگی توقنشوولر حقیده بحث ایتگن و امیرخان متقی، پاکستاننینگ افغانستان ایریم حدودلریگه اویوشتیرگن هجوملری و کابلنینگ جواب قیتریشی حقیده ایضاح کیریتگن.
بیانیهده، اسلام امیرلیگی و عمان تشقی ایشلر وزیرلری، حاضرگی قیینچیلیکلر دیپلماتیک و مذاکره بیلن حل ایتیلیشی گه تأکیدلشگنی کیلگن.
