افغانستان و پاکستان آرهسیدهگی اوتیب-قیتیش و تجارت اوچون اونملی یوللردن بولمیش تورخم قتناو یولینینگ یاپیق قالگنیدن ۲۳ کون بولگن. شونینگدیک اوشبو قتناو یولنینگ قیته آچیلیشی اوچون بولگن مذاکرهلر، حاضرگچه نتیجه بیرمهگن.
اسلام امیرلیگی سوزلاوچیسی ذبیحالله مجاهدنینگ ایتیشیچه، تورخم قتناو یولی آچیلیشی توغریسیده مذاکرهلرنینگ دوامی بار؛ بیراق پاکستان بو قتناو یولنینگ آچیلیشیگه حاضر ایمس. اونینگ کوپهیتیریشیچه: «تورخم قتناو یولی آچیلیشی اوچون سعیوحرکت بولگن؛ لیکن پاکستان تامان اوشبو ایشیکنی آچیشگه حاضر بولمهگن. بو توغریده حاضرگچه مذاکرهلرنینگ دوامی بار.»
بیزلرنینگ «ایکس» ترماغی ده هم تعقیب قیلینگ!
تورخم، افغانستان و پاکستان آرهسیدهگی اونملی قتناو یوللردن بیری بولیب، افغانستاننینگ سودا، آلیب-بیریش و خلقارا علاقهلرده مهم رول اوینهیدی.
بو یولدن تجارت اوچون فایدهلنهدیگن سوداگرلردن قطارینینگ ایتیشلریچه، تورخم قتناو یولینینگ یاپیق قالگنی، اولرنینگ کوپینچه زیان کوریشلریگه سبب بولگن.
افغانستانلیک سوداگرلردن غلامرسول حضرتنینگ ایتیشیچه، اوتگن اوچ هفتهده میلیونلب افغانی زیان کورگن. «توارلر تورخم تامانیده بند قالدی؛ ۱۵ کون اوشه ییرده قالدی و قیته یوباردیم؛ لیکن پولی نقد بولمهدی. حاضر پاکستان بیلن تجارت قیلمسلیککه قرار آلدیک.»
شونینگدیک افغانستانلیک سوداگرلردن ابوعبید هوتکنینگ ایتیشیچه: «ایکی تامان گه ضرر دیر، چونکه تورخم جودهیم اونملی بیر یول دیر. سوداگرلرنینگ توارلری ایکی تامانده بند قالگن و کونده قریب ۳۰۰ مینگ دالر سوداگرلر گه زیان ییتیشهدی.»
شوندهی بیرحالده، افغانستان و پاکستان سوداگرلیک قوشمه اتاقی، افغانستان و مرکزی آسیا مملکتلری بیلن تجاری بحران حل بولیشی اوچون اسلامآبادنینگ تیزلیک بیلن اقدام بولیشینی ایستهگن.
بیزلرنینگ فیسبوک صحیفهمیزگه باش اورینگ!
اوشبو اتاق اعضاسی نقیبالله صافینینگ ایتیشیچه، ایکی مملکتنینگ خصوصی بولیمی مذکور قتناو یول آچیلیشی توغریسیده سعیوحرکت قیلماقده؛ بیراق حاضرگچه نتیجه بیرمهگن. «افغانستان جنوبی آسیا و مرکزی آسیا آرهسیده بیر کوپریک صفتیده عمل قیله آلهدی؛ لیکن بو چیکلاولر باشقه مملکتلرنینگ پاکستان آرقهلی تجارت قیلیش توغریسیده قیزیقمسلیگیگه سبب بولهدی که بو، بویوک بیر ضرر حسابلنهدی.»
تورخم قتناو یولی پاکستان و اسلام امیرلیگی آرهسیده یوز بیرگن چیگره توقنشوولر نتیجهسیده ۳-حوت یاپیلگن. بوندن آلدین پاکستان تشقی ایشلر وزیرلیگی، چیگرهده اسلام امیرلیگی تامانیدن تاسیسات قوریلیشی توختهتیلمهگنیگه قدر، بو قتناو یولنینگ آچیلمسلیگینی بیان قیلگن ایدی.
