اسلام امیرلیگی سوزلاوچیسی ذبیحالله مجاهدنینگ ایتیشیچه، خواف-هرات تیمیر یولی کمیسارلیگی و تیگیشلی ادارهلر اوز ایشلرینی منظم شکلده عمل گه آشیریب و بو یول آرقهلی سوداگرلیک توارلر انتقال تاپیشی بیر قیینچیلیک بولمسدن دوام قیلماقده.
جناب مجاهد، بوگون (۱۵-حوت، جمعه)، اکس صحیفهسیده یازیشیچه، اوتگن کیچه ایران دن تجارتی توارلر یوکلنگن یوک تاشووچی بیر ریل هراتنینگ روزنک بیکتیگه ییتیشگن که ۳۷ واگنی آهن چادر و ۹ واگنی ایسه شکر دیر.
اسلام امیرلیگی سوزلاوچیسی، خواف-هرات تیمیر یولی آرقهلی توارلر تاشیلیشینینگ عادی شکلده دوام قیله یاتگنینی بیان قیلیب، ملی سوداگرلردن اساسلی سبب بولمسدن توارلر قیمتینینگ آشیرمسلیکنی سورهگن. «خواف-هرات تیمیر یولی آرقهلی توارلر شاشیلیشی عادی شکلده دوام قیلیب و اونده هیچ قندهی کیچیکیش اورته گه کیلمهگن. انه شوو سبب، ملی سوداگرلردن طلب بولهدی که اساسلی سبب بولمسدن تجارتی توارلر قیمتینینگ آشیرمهسینلر.»
شونینگدیک ذبیحالله مجاهدنینگ یازیشیچه، ایران تیمیر یولی مسئوللرینینگ معلوماتی اساسیده، باشقه یوزلب واگن ایران حدودیده و افغانستان یولیده توختهب و عادی شکلده افغانستان گه کیلیشی ممکن.
