پاکستان جنگری اوچاقلری، قندهار ولایتی هوا قونالغهسی یقینیده کامایر هوایی خصوصی شرکتی گه تیگیشلی «تیل انباری»نی نشانگه آلگن.
اسلام امیرلیگی سوزلاوچیسی ذبیحالله مجاهد، بوگون (۲۲ حوت/۱۳ مارچ، جمعه) ایکس صحیفهسیده بیر بیانیه ترقهتیب، اوتگن کیچه پاکستان جنگری اوچاقلری قندهارده کامایر هوایی خصوصی شرکتینینگ تیل انبارینی نشانگه آلگنینی بیلدیردی.
بیانیه گه کوره، بو تیل انباری کامایر شرکتی گه تیگیشلی بولیب و خصوصی هوا یولی شرکتلرینینگ یاقیلغیسینی تأمینلر ایدی.
بوندن آلدین، اسلام امیرلیگی سوزلاوچیسی ذبیحالله مجاهد، پاکستاننینگ اوتگن کیچهدهگی «تجاوز و جنایتلری» جوابسیز قالمسلیگی حقیده آگاهلنتیردی.
مجاهد، پاکستان جنگری اوچاقلری کابل، قندهار، پکتیا، پکتیکا و باشقه بعضی حدودلرده تینچ اهالی اویلرینی نشانگه آلگن و اونینگ نتیجهسیده، عیاللر و بالهلر «شهید» بولگنینی ایتگن ایدی.
