چین، روسیه و هندوستان کبی تأثیرچن مملکتلر شامل بریکس تشکیلاتی رهبرلری، «کازان» ییغیلیشی یکونیده بیر بیانیه ترقه‌تیب افغانستان احوالی گه هم اشاره قیلگنلر.
افغانستان وضعیتی گه دایر بریکس تشکیلاتی رهبرلری نینگ بیانیه‌سیده، افغانستان گه انسان پرورلیک یاردملر دوام تاپیشی همده بو ممکتده‌گی احوال حل اېتیلیب و اسلام امیرلیگی قیز اوقووچیلر گه یره‌تگن چېکلاولرینی تیزلیک بیلن بیکار قیلیشی تأکید اېتیلگن.
اسلام امیرلیگی، بریکس ییغیلیشی یولگه قوییلیشینی خوش قرشی لسه‌ده، بیراق بو تشکیلات اعضالری کوپراق منطقه اقتصادی حقیده دقت قیلیش‌لرینی تکلیف قیله‌دی.
بیزلرنینگ فیسبوک صحیفه‌میزگه باش اورینگ!
اسلام امیرلیگی سۉزلاوچیسی ذبیح‌الله مجاهد سلام‌وطندار بیلن اۉتکزگن صحبتیده، بریکس ییغیلیشی یکونیده‌گی بیانیه ده افغانستانده قیزلر نینگ تعلیمی خصوصیده‌گی طلب گه مناسبت بیلدیریب، افغانستان نینگ ایچکی موضوع‌لری حل بولیشیدن ایشانچ بیره‌دی.
اونینگ کوپه‌یتیریشیچه: «افغانستان نینگ ایچکی موضوع‌لری حل بوله‌دی، یېترلیچه حل بولگن و اسلام امیرلیگی قالگن موضوع‌لرنی حل قیلیش اوچون سعی-حرکت قیلماقده، بریکس تشکیلاتی گه اعضا مملکتلر منطقه اقتصادی خصوصیده دقت قیلیشینی اېسته‌یمیز.»
اسلام امیرلیگی سۉزلاوچیسی، افغانستان نینگ اقتصادی منبعلری گه اشاره قیلیب ثباتلی افغانستان منطقه احوالی گه مثبت تأثیر قیلیشینی اېتگن.
بیزلرنینگ «ایکس» ترماغی ده هم تعقیب قیلینگ!
مجاهد نینگ کوپه‌یتیریشیچه، افغانستان منطقه ده‌گی اورنی و اقتصادی ظرفیتی گه قره‌گنده، بریکس تشکیلاتیده کوپراق رولی بولیشیگه علاقه‌مند دیر. «عموم آلگنده، بریکس تشکیلاتی ییغیلیشی یولگه قوییلیشی و بیانیه‌سینی مثبت بهاله‌یمیز، افغانستان هم منطقه نینگ مهم بیر مملکتی اوله‌راق منطقه نی باغلش ده رولی بار، بو تشکیلات ده رولی بولیشنی اېسته‌یدی، افغانستان مسئله‌سی بحث گه آلینگن بولسه یخشی.»
ایش بیلرمان‌لر نینگ ایشانچی گه کوره، اسلام امیرلیگی هېچ تشکیلات نینگ باسیملری گه قرار تاپمه‌گن و اولر نینگ بو تشکیلات دن بولگن طلبلری انابت گه آلینمه‌یدی.
خلق‌ارا بیلرمان‌لردن ولی فروزان نینگ ایتیشیچه: «اسلام امیرلیگی حاضرگه قدر هېچ بیر تشکیلات نینگ باسیمی آستیده قرار تاپمه‌گن و پالیسی‌لرینی عملی قیلماقده، شونی اوچون بریکس تشکیلاتی گه اعضا مملکتلر نینگ طلبی اۉزگریش کېلتیره آلمسلیککه ایشانه‌من.»
خلق‌ارا بیلرمان‌لردن باشقه بیری اجمل زرمتی گه کوره: «بریکس تشکیلاتی اروپا اتفاقی و ناتو همده باشقه تشکیلات‌لر کبی قرارلرینی عملگه آشیره آلمه‌یدی، باشقه مسئله بو که واحد بیر فکر گه اېگه اېمسلر.»
بریکس، اوشبو تشکیلات گه اعضا مملکتلر نینگ اقتصادی سیاست‌لرینی هماهنگ قیلیش مقصدیده شکللنگن و اسلام امیرلیگی روسیه نینگ کازان شهریده اوشبو تشکیلات رهبرلری نینگ ییغیلیشیدن آلدین بو ییغیلیشده اشتراک اېتیشنی طلب قیلگن اېدی، بیراق اسلام امیرلیگی نینگ بو طلبی قبول قیلینمه‌گن.
