اسلام امیرلیگی تشقی ایشلر وزیرلیگی سرپرستی امیرخان متقی، قزاقستان باش وزیرینینگ اورین باسری و تشقی ایشلر وزیری مراد نورتلیف بیلن اوچرهشووده، ایکی تامانلمه علاقهلرنی کېنگهیتیریش، اقتصادی همکارلیک، منطقهوی فرصتلر، ترانزیتی لایحهلر و سیاسی کېلیشوولر آشیریلیش مسئلهسی حقیده بحث اېتگن.
تشقی ایشلر وزیرلیگی، بوگون (۲۰-سرطان، جمعه) ایکس صحیفهسیده بیر بیانیه ترقهتیب، امیرخان متقی کابل و آستانه آرهسیدهگی علاقهنی مثبت بهالهگنینی بیلدیرگن.
بیزلرنینگ فیسبوک صحیفهمیزگه باش اورینگ!
تشقی ایشلر وزیرلیگی سرپرستی، افغانستان و قزاقستان آرهسیدهگی ایشانچ مستحکم و کېنگهیشی مقصدیده ایکی تامانلمه همکارلیکلر «کوچلی، دایمی و اوزاق مدتلی» بولیشی کېرهک دیگن.
تشقی ایشلر وزیرلیگینینگ بیانیهسی اساسیده، قزاقستان باش وزیری اورین باسری و تشقی ایشلر وزیری مراد نورتلیف، مملکتی افغانستان بیلن سیاسی و اقتصادی مناسبتنی کېنگهیتیریش گه قیزیقیشینی بیلدیرگن.
بیزلرنینگ «ایکس» ترماغی ده هم تعقیب قیلینگ!
نورتلیفنینگ کوپهیتیریشیچه، قزاقستان افغانستانده اوزاق مدتده ثبات برقرار اېتیلیشی، آزیق-آوقت خوفسیزلیگی و برچه تامانلمه ترقیات بوییچه مثبت رولی بولیشنی اېستهیدی.
بو، قزاقستان تشقی ایشلر وزیرینینگ قریب تورت ییلده افغانستان گه بیرینچی سفری دییلگن.
