اسلام امیرلیگی فواید عامه وزیرلیگینینگ اعلام قیلیشیچه، بیر هفتهده افغانستاننینگ تیمیر یوللری آرقهلی ۹۷ مینگ ۵۲۲ متریک تُن توار انتقال تاپگن.
فواید عامه وزیرلیگی سوزلاوچیسی محمداشرف حقشناس، بوگون (۱۳-میزان، یکشنبه)، اکس صحیفهسیده بیر بیانیه ترقهتیب یازیشیچه، اوشبو توارلر تورتدن ۱۰-میزانگچه انتقال تاپگن.
بیزلرنینگ فیسبوک صحیفهمیزگه باش اورینگ!
بیانیه اساسیده، اینگ کوپ انتقال حجمی ۷۳ مینگ ۸۲۵ تُن بولیب، حیرتان بندری آرقهلی عملگه آشیریلگن. شونینگدیک آقینه بندریدن ایکی مینگ ۴۲ تُن، تورغندی بندریدن ۱۵ مینگ ۶۷ تُن و خواف-هرات تیمیر یولیدن آلتی مینگ ۵۸۸ تُن سوداگرلیک توار انتقال تاپگن.
فواید عامه وزیرلیگی سوزلاوچیسینینگ کوپهیتیریشیچه، بیر هفتهده ۳۲۷ تُن سوداگرلیک توار تیمیر یوللریدن صادر بولگن که اونینگ کوپینچهسینی قوروق میوه و انار سووی تشکیل بیرهدی.
بیزلرنینگ «ایکس» ترماغی ده هم تعقیب قیلینگ!
فواید عامه وزیرلیگینینگ ایتیشیچه، تیمیر یولی آرقهلی انتقال و صادرات کوپهیگنی، ملی درآمد آشیشیگه علاوه، ایش فرصتلری یرهتیلیشی، اقتصادی رواجلنیش و خودکفالیک سری حرکت امکانیتینی یرهته آلهدی.
افغانستان، سونگی ییللرده تیمیر یولی رواجلنیشیگه اقدام قیلیب و حاضرگچه، سوداگرلیک توارلر انتقال تاپیشی اوچون کوپراق اوندن فایدهلنیلهدی.
