مملکت فواید عامه وزیرلیگی، اوتگن بیر هفته ایچیده ۹۱ مینگ ۳۷۳ تُن توار افغانستان تیمیر یوللری آرقهلی آلیش-بیریش بولگنینی معلوم قیلگن.
فواید عامه وزیرلیگی سۉزلاوچیسی محمداشرف حقشناس، ۲۴-سنبله، دوشنبه کونی ایکس صحیفهسیده بیر بیانیه ترقهتیب، اوشبو مقدار سودا توارلری ۱۴-دن ۲۰-سنبله گه قدر آلیش-بیریش بولگنینی بیلدیرگن.
بیانیه گه کوره، اوشبو توارلر نفت و غیر نفت همده باشقه سودا محصولاتینی اوز ایچیگه آلیب، اولر حیرتان، آقینه، تورغندی و خواف-هرات تیمیر یوللری آرقهلی آلیش-بیریش بولگن.
سودا محصولاتلری کوپراق حیرتان بندری آرقهلی عملگه آشیریلگن که ۶۴ مینگ ۸۵۹ تُن دن عبارت. آقینه بندری آرقهلی ایکی مینگ ۱۷۱ تُن، تورغندی بندری آرقهلی ۱۰ مینگ ۷۸۱ تُن و خواف-هرات تیمیر یولی آرقهلی ۱۳ مینگ ۵۶۲ تُن توار وارد و صادر قیلینگن.
فواید عامه وزیرلیگینینگ کوپهیتیریشیچه، اوشبو مدت ایچیده ۳۵۵ تُن سودا توارلری تیمیر یوللری آرقهلی صادر قیلینگن و اولرنینگ کوپ قسمینی قوروق میوه و مس تشکیل بیرهدی.
فواید عامه وزیرلیگیگه کوره، تیمیر یوللریدن صادرات و وارداتنینگ کوپهیگنی، کوپینچه ایش فرصتلری یرهتیلیشی، ملی درآمد کوپهیشی، اقتصادی برقرارلیک، رواجلنیش و خودکفالیک فرصتلری یرهتیلیشیگه سبب بولهدی.
افغانستان سۉنگی ییللرده، تیمیر یونهلیشینی کېنگهیتیریش گه حرکت قیلگن حاضرگه قدر، سودا توارلرینی انتقال بیریش اوچون اوندن فایدهلنیلماقده.
