قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۵ مینگ ۴۹۵ افغانستانلیک جبری شکلده چیقریلگن.
مذکور کمیسیون بوگون (۱۲-قوس، چهارشنبه)، اکس صحیفهسیده بیر بیانیه آرقهلی، اوشبو کیشیلرنینگ اوتگن کون هرات ده اسلامقلعه، نیمروز ده پلابریشم، قندهار ده اسپینبولدک، ننگرهار ده تورخم و هلمند ده بهرامچه چیگره قتناو یوللری آرقهلی افغانستان گه کیلگنلرینی یازگن.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، مملکت گه قیتگنلردن قطاریگه نقدی یاردم و طبی خذمتلر کورسهتیلگن.
ایران و پاکستان دن افغانستانلیک قاچقینلرنینگ چیقریلیش جریانی دوام قیلماقده و هر کونی مینگلب کیشی اوشبو ایکی مملکت بیلن بولگن چیگره قتناو یوللری آرقهلی افغانستان گه قیتریلهدیلر.
بوندن آلدین بیرلشگن ملتلر تشکیلاتی، ایران و پاکستان دن افغانستانلیک قاچقینلر قیتیشی، افغانستان ترقیاتی جریانینینگ باسیم آستیده قویگنینی معلوم قیلگن ایدی.
