اسلام امیرلیگی فواید عامه وزیرلیگینینگ ایتیشیچه، ۲۰۲۵-ییلده ۱۷ فایز آشیش بیلن تیمیر یوللری آرقهلی ۵.۱ میلیون متریک تُندن آرتیق توار تاشیلگن.
اوشبو وزیرلیک سوزلاوچیسی محمداشرف حقشناسنینگ سلاموطندار گه ایتیشیچه: «۲۰۲۴-ییلده افغانستان تیمیر یولی آرقهلی ۴.۳ میلیون متریک تُن توار تاشیلگن ایدی. بو رقم ایسه ۲۰۲۵-ییلده ۵.۱ میلیون متریک تُندن آرتیققه ییتیشدی که بو رقملرگه قرهگنده ۲۰۲۵-ییلده ۱۷.۶۵ فایز کوپهیگن.»
حقشناسنینگ کوپهیتیریشیچه، افغانستان اوتگن میلادی ییل جریانیده، اورته آسیا، چین و باشقه بیر قطار مملکتدن آزیق-آوقت محصوللری، نفت و گاز شامل بیر قطار توارنی وارد قیلگن. اونگه کوره، افغانستان بو مدتده قوروق و تازه میوه، ایکینچیلیک محصوللری و قول صناعتی شامل بیر قطار توارنی قوشنی و منطقه مملکتلردن صادر قیلگن.
اسلام امیرلیگی فواید عامه وزیرلیگی سوزلاوچیسینینگ ایتیشیچه، بو وزیرلیک افغانستان ده تیمیر یول ترماقلرینی کینگهیتیریش مقصد سعیوحرکت قیلماقده. «فواید عامه وزیرلیگی، افغانستان ده تیمیر یولینی رواجلنتیره آلیشیمیز، بیر تاماندن ایچکی باغلهنیش و باشقه بیر تاماندن ایسه افغانستاننینگ قوشنی و منطقه مملکتلر بیلن باغلهنیشی همده قوشنی و منطقه مملکتلرینینگ تیمیر یولی ترماغی آرقهلی خلقارا تیمیر یولی ترماغیگه باغلنه آلیشی اوچون ایشلهیدی.»
شوندهی بیرحالده، اقتصادی ایش بیلرمانلردن قطارینینگ ایتیشلریچه، تیمیر یولی یوک تاشووچی موترلر آرقهلی توارلر تاشیلیشی اوچون اینگ مهم بدیل یوللردن بولیب، افغانستان نی منطقه و دنیا مملکتلرگه باغلهب و توارلر تاشیلیشی وقتینی کمهیتیره آلهدی.
بو توغریده اقتصادی مسئلهلر بیلرمانلریدن امیدالله قاسمزینینگ ایتیشیچه: «افغانستاننینگ بحر گه یولی یوق، انه شوو سبب تیمیر یولی اینگ مهم بدیل یوللردن بولیب، افغانستاننی منطقه و دنیا مملکتلریگه باغلهیدی. شونینگدیک تیمیر یولی آرقهلی توارلرنی وقتیده ییتیشتیریب و خرهجتلر کمهیشیگه سبب بولهدی. بو ایش دنیا بازارلریده افغانستان رقابتی قولیلشیگه سبب بولهدی. حکومت آرقهلی امکانیت و کیرهکلی آسایشتهلیک یرهتیلیشی کیرهک که ایچکی و تشقی سوداگرلر تیمیر یولی بولیمیده سرمایه یاتقیزیشگه تشویق بولسین. بو رقم افغانستان ده ملی اقتصاد رواجلهنیب و یاشلرگه ایش زمینهسی کوپهیهدی.»
شونینگدیک اقتصادی مسئلهلر بیلرمانلریدن عبدالنصیر رشتیانینگ ایتیشیچه: «تیمیر یولی آرقهلی توارلر تاشیلیشی، کوپینچه اقتصادی فایدهگه ایگه دیر، چونکه توارلر آز وقتده ییتیشهدی و توارلر بوزیلیشی آلدی آلینهدی. شونینگدیک تیمیر یولی آرقهلی توارلر تاشیلیشی ارزان توشهدی و قیمتلر کمهیهدی.»
اسلام امیرلیگی فواید عامه وزیرلیگی معلوماتی اساسیده، افغانستان حاضر حیرتان، آقینه، تورغند و خواف-هرات بندلریگه باغلنگن تخمینن ۴۰۰ کیلومتر اوزونلیکدهگی اصلی و فرعی تیمیر یوللرگه ایگه بولیب و اونینگ آرقهلی ایران، تورکمنستان و اوزبیکستان بیلن توغری شکلده باغلنگن.
