اسلام امیرلیگی فواید عامه وزیرلیگی رسمی‌لری، حوت آیی اولی‌دن آخریگه قدر مملکت تیمیر یولی آرقه‌لی ۳۵۸ مینگ ۸۵ متریک تُن آلیش-بیریش بولگنینی معلوم قیلگنلر.
اوشبو وزیرلیک سۉزلاوچیسی محمداشرف حق‌شناس، بوگون (۴-حمل، یک‌شنبه) ایکس صحیفه‌سیده بیر بیانیه ترقه‌تیب، بو توارلر کوپراق حیرتان، آقینه، تورغندی و خواف-هرات تیمیر یوللری آرقه‌لی آلیش-بیریش بولگنینی بیلدیرگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، حیرتان بندری آرقه‌لی ۲۷۴ مینگ ۸۵۲ متریک تُن، آقینه بندری آرقه‌لی ۱۴ مینگ ۷۲۷ تُن، تورغندی بندری آرقه‌لی ۵۲ مینگ ۴۸۳ تُن و خواف-هرات بندری آرقه‌لی ۱۶۰ مینگ ۲۳ متریک تُن آلیش-بیریش بولگن.
فواید عامه وزیرلیگی سۉزلاوچیسی گه کوره، صادر اېتیلگن ۱۹ مینگ ۸۸۰ تُن توارنینگ کوپ مقدارینی کینو، کچالو، قوریق میوه و انار سووی تشکیل بیرگن.
بیزلرنینگ «ایکس» ترماغی ده هم تعقیب قیلینگ!
تیمیر یولی آرقه‌لی آلیش-بیریش مقداری آشگن حالده، ایش امکانیت‌لری یره‌تیلیب و مملکت درآمدی کوپه‌یشیگه سبب بولیشینی معلوم قیلگن، فواید عامه وزیرلیگی سۉزلاوچیسی محمداشرف حق‌شناس.
اونگه کوره، اسلام امیرلیگی مملکت اۉزینی-اۉزی تأمینلش و اقتصادی نقطه-نظردن اۉزینی تېکلش اوچون بوتون سوداگرلرنینگ آلیش-بیریشیگه قولی‌لیک یره‌تیش مقصدیده سعی-حرکت قیلماقده.
