قاچقینلر قیینچیلیکلرینی حل قیلیش بوییچه عالی کمیسیونی، اوتگن کون ایران و پاکستان دن ۵۹۹ عایلهنینگ چیقریلگنینی معلوم قیلگن.
اسلام امیرلیگی سوزلاوچیسی اورینباسری حمدالله فطرت، بوگون (۳۰-میزان، چهارشنبه)، بیر بیانیه آرقهلی اکس صحیفهسیده یازیشیچه، مذکور کیشیلر ایران و پاکستان دن چیقریلیب و اوتگن کون افغانستان گه کیلگنلر.
بیانیه اساسیده، ۳ مینگ ۲۸۳ کیشیدن عبارت بولگن ۵۹۹ عایله، هرات ده اسلامقلعه، نیمروز ده پلابریشم، قندهار ده اسپینبولدک و هلمند ده بهرامچه چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه کمیسیونینینگ ایتیشیچه، مملکت گه قیتگن کیشیلرگه بیر قطار مهم خذمتلر کورسهتیلگن.
ایران و پاکستان، اوزاق وقتدن بویان افغانستانلیک قاچقینلردن بویوک بیر قسمی میزبانی بولیب و سونگی ییللرده، افغانستانلیک یشاوچیلرنینگ چیقریش جریانینی کوچهیتیرگن. خلقارا قاچقینلر تشکیلاتینینگ معلوماتی اساسیده، اوتگن ایکی ییلده ایران و پاکستان دن تورت میلیوندن آرتیق کیشی افغانستان گه قیتگن.
