کانگو دمکراتیک جمهورلیگی شرقیده جایلشگن «روبایا» کُلتان کانی قولشی عاقبتیده، ۲۰۰ دن آرتیق کیشی هلاک بولگن. قربانلر آرهسیده کان ایشلاوچیلری، بالهلر و کان محلیدهگی بازارده نرسه ساتووچی عیاللر شامل دیر.
شمالی کیوو ولایتی مرکزی «گوما» شهرینینگ شمالغربی حدودلریده جایلشگن اوشبو کان، اوتگن هفته چهارشنبه کونی قولهگن.
«ام ۲۳» عصیانچی گروهی آرقهلی تعیینلنگن شمالی کیوو ولایتی حاکمی، ایراستون باهاتی موسانگانینگ فرانسه آژانسیگه ایتیشیچه، جسدلردن قطاری چیقریلگن.
روبایا کانی دنیادهگی کُلتاننینگ قریب ۱۵ فایزینی ایشلب چیقرهدی. اوشبو تیمیر ایسیققه چیدملی بولیب، تلیفونلر، کمپیوترلر، حربی جهازلر و گاز توربینلری ایشلب چیقریلیشیده قوللنیلهدی.
