قویاش ۱۴۰۲_مالی ییل دن ایکی آی دن کوپ اوتسه ده؛ بیراق اسلام امیرلیگی مسئوللری اوشبو ییل بودجه‌سینی حاضرگچه توشیح قیلمه‌گن.
سلام‌وطندار بیلن صحبت قیلگن مالیه وزیرلیگی مسئوللری، اوشبو هفته ایچیده بودجه سندی اسلام امیرلیگی رسمی‌لری تامانیدن توشیح بولیشی گه امید بیلدیرگن.
مالیه وزیرلیگی سوزلاوچیسی احمدولی حقمل، مذکور وزیرلیک ده ینگی تعیینات گه اشاره قیلیب ایتیشیچه، مالیه وزیرلیگی ده ایشلر یخشی آلغه آلیب باریلماقده و اوشبو هفته ایچیده بودجه سندی یوقاری مرتبه‌لی رسمی‌لر تامانیدن توشیح بولیشی کوتیله‌دی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «ینگی تعینلنگن اوچ کیشی افغانستان نینگ پولی و مالی سیستمی گه آشنا دیر، اولر نینگ تجربه‌سیگه بناً ایشلر یخشی آلغه آلیب باریله‌دی، بودجه بیز تاماندن نهایی بولیب و یوقاری مرتبه‌لی رسمی‌لر گه یوباریلگن، اوشبو هفته ایچیده توشیح بولیشی گه امید بیلدیره‌میز.»
عین‌حالده، اقتصادی ایش بیلرمان لعل‌زازی گه کوره، بودجه سندی توشیح بولمسلیگی، جمعیت ده ایش‌سیزلیک کوپه‌یشی گه سبب بولیشی ممکن.
او نینگ ایشانچی گه کوره: «بودجه تصویب بولمسلیگی یا کمچیلیگی بولگن تقدیرده، اهالی، دولت و خصوصی سکتور اوستیده سلبی تأثیر قیله‌دی، ایشلاوچیلر نینگ آی‌لیگی وقتیده تولنمه‌یدی، شونینگدیک ترقیاتی پروژه‌لر توخته‌ب و کوپ سانده کیشی‌لر ایش‌سیز بوله‌دی، پروژه‌لر پول گه نیازمند دیر و نهایت قیته قوریش ایشلر جریانی سیکین‌لشی گه سبب بوله‌دی.»
اقتصادی ایش بیلرمان‌لردن باشقه بیری آمنه هاشمی نینگ ایتیشیچه، بودجه سندی تصویب بولمسلیگی ترقیاتی و عادی پروژه‌لر ایشی توخته‌لیب و دولت نینگ مصرف و درآمد جریانی اوستیگه سلبی تأثیر قیله‌دی.
بیزلرنینگ توییترده هم تعقیب قیلینگ!
اونگه کوره: «بودجه سندی تصویب بولمسلیگی، قشاق‌لر سانی کوپه‌یب و پروژه‌لر ایشی گه توخته‌لیشی گه سبب بوله‌دی، بولر درآمد منبع‌لری سنله‌دی.»
مالیه وزیرلیگی مسئوللری، اوشبو هفته ایچیده بودجه سندی توشیح بولیشیدن عین‌حالده سوز یوریتماقده‌لر که، یک‌شنبه کونی اسلام امیرلیگی سوزلاوچیسی ذبیح‌الله مجاهد اوز توییتری ده یازیشیچه، اسلام امیرلیگی رهبری نینگ حکمی اساسیده محمدناصر آخوند مالیه وزیرلیگی نینگ سرپرستی، عبدالقاهر ادریس اوشبو وزیرلیک نینگ درآمد و باجخانه‌لر معینی و عبدالقدیر احمد مالیه وزیرلیگی نینگ مالی ایشلری بوییچه معینی ایتیب تعینلنگن.
