اسلام امیرلیگی کانلر و پترولیم وزیرلیگی، «آفچین» چین شرکتی بیلن آمو دریا نفت کانینی قیدیریش و قازیب چیریش بوییچه شرطنامهسی بیکار قیلینگنیدن خبر بیردی.
اوشبو وزیرلیک سۉزلاوچیسی همایون افغان، بوگون (۲۷-جوزا، سهشنبه) بیر بیانیه ترقهتیب، بو شرطنامه ۲۵ ییلگچه امضالنگن اېدی؛ بیراق آفچین شرکتی تامانیدن «شرطنامه قاعدهلری بوزیلیشی» طفیلی، رسمی طرزده بیکار قیلینگنینی معلوم قیلگن.
بیزلرنینگ فیسبوک صحیفهمیزگه باش اورینگ!
بیانیهده کېلیشیچه، اوشبو شرکتنینگ قانون بوزرلیکلرینی اورگهنیش اوچون وزارتلر و باغلیق نهادلردن عبارت قۉشمه کمیتهلر تشکیل بولدی و بو کمیتهلرنینگ معلوماتی اساسیده، آفچین شرکتی کېتمه-کیت شرطنامه بندلرینی بوزیب و بیرگن وعدهلرینی عملگه آشیریشده «ناکام» قالگن.
همایون افغان گه کوره، بو شرطنامه بیکار قیلینیشی اسلام امیرلیگی باش وزیرینینگ اقتصادی اورین باسرلیگی تکلیفی و باش وزیرلیک مقامی حکمی بیلن تصدیقلنگن.
کانلر و پترولیم وزیرلیگی، تجربهلی خلقارا مصلحت بیرووچی شرکتلردن حقوقی حجتلری تېکشیریلیشی، آمو دریا کانلرینینگ تخنیکی تېکشیریش و آفچین شرکتی بیلن مالیهوی حساب-کتابلرینی کوریب چیقیش اوچون رسمی طرزده قیزیقیشلرینی بیلدیریشنی اېستهگن.
بیزلرنینگ «ایکس» ترماغی ده هم تعقیب قیلینگ!
بو شرطنامه قویاش ۱۴۰۱-ییلده کانلر و پترولیم وزیرلیگی همده آفچین شرکتی اورتهسیده امضالنگن اېدی. کانلر وزیرلیگی مسئوللرینینگ معلوماتی اساسیده، اوشبو اوچ ییللیک شرطنامهنینگ قیمتی ۴۴۵ میلیون امریکالیک دالر بهالنگن و آفچین شرکتی ۲۵ ییل دوامیده اوشبو حدوددن نفت قازیب چیقریشی کوتیلردی.
کانلر وزیرلیگی گه کوره، آمو دریا نفت حدودی ۸۷ میلیون تُن نفت تولید قیلیش امکانیتی بولیب و اسلام امیرلیگی اوشبو کانلرنی قازیب چیقریشده ۳۵ فایزلیک اولوش گه ایگه.
