اسلام امیرلیگی تشقی ایشلر وزیرلیگینینگ مالی و اداری اورینباسری محمد نعیم، کابل ده چین ایلچیسی جاو شینگ بیلن اوچرهشیب، افغانستان و تاجیکستان چیگرهسیدهگی سونگی واقعهلر توغریسیده صحبت قیلگن.
تشقی ایشلر وزیرلیگینینگ بوگون (۱۲-قوس، چهارشنبه)، بیر بیانیه آرقهلی یازیشیچه، ایکی تامان افغانستان و چین مناسبتلری توغریسیده هم صحبت قیلگنلر.
محمد نعیم، افغانستان و تاجیکستان چیگرهسیده چین یشاوچیلری اولدیریلگنی اوچون قیغولنگنینی بیلدیریب و ایتیشیچه، بو توغریده تیکشیروولر دوام قیلماقده. اونینگ کوپهیتیریشیچه، چیگرهده چین یشاوچیلریگه بولگن هجوم «دشمنلرنینگ ایشی» بولیب و مملکتلر آرهسیده ایشانچسیزلیکنی یرهتماقچینلر.
بیانیه اساسیده، جاو شینگنینگ ایتیشیچه، بو واقعه عامللری کابل و بیجینگ مناسبتلرینی بوزماقچین دیر.
سونگی بیر هفتهده، افغانستان و تاجیکستان چیگرهسیده چیننینگ بیش یشاوچیسی اولدیریلگن.
