سوو و برق وزیرلیگی مسئوللری سلاموطندار بیلن اوتکزگن صحبتلریده، افغانستانده ۱۷۵ میگاوات قویاشدن برق ایشلب چیقریش ایشی دوام ایتماقدهلیگینی ایتگنلر.
اوشبو وزیرلیک سۉزلاوچیسی مطیعالله عابد گه کوره، افغانستان قویاش برقینی ایشلب چیقریش اوچون یوقاری کوچ گه ایگه و بو وزیرلیک اوشبو بولیمده خصوصی سکتورنی سرمایه یاتقیزیشی اوچون سعی-حرکت قیلماقده.
او، حاضرگی کونده مملکت بیش ولایتیده ۱۷۵ میگاوات گه ایگه قویاشدن برق ایشلب چیقریش آلتی لایحه عملگه آشیریلماقدهلیگینی بیلدیرهدی.
بیزلرنینگ فیسبوک صحیفهمیزگه باش اورینگ!
اونگه کوره: «خورسندلیک بیلن سوو و برق وزیرلیگی ایچکی و تشقی شرکتلر بیلن ۱۰ شرطنامه امضالهگن، ننگرهار ولایتی ایثار شاهی حدودیده ۴۰ میگاواق قویاش برقی، ننگرهار ولایتی شیخ مصری حدودیده باشقه ۴۰ میگاوات، لوگر ولایتی محمدآغه تومنیده ۴۰ میگاوات، بلخ ولایتی دهدادی حدودیده ۴۰ میگاوات، هرات ولایتیده ۵ میگاوات و لغمان ولایتیده ۱۰ میگاوات قویاشدن برق ایشلب چیقریش ایشی دوام ایتماقده.»
سوو و برق وزیرلیگی مسئوللرینینگ ایتیشیچه، کېلهسی بیش ییلگچه ایکّی مینگ ۵۰۰ میگاوات برقنی ایشلب چیقریش کوچیگه ایگه ۷۰ دن ۸۰ لایحه، افغانستانده عملگه آشیریلیشی ممکن.
شو بیلن بیرگه، تورلی ولایتلرنینگ یشاوچیلریدن بیرقطاری، برشنا تامانیدن برق کوپ پرچوی قیلینیشی طفیلی، قویاش برقیدن فایدهلنیشگه مجبور بولگنلرینی ایتهدیلر.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، قیته تیکلنهدیگن برق ایش بیلرمانلرینینگ ایتیشیچه، حاضرگه قدر قویاشدن برق ایشلب چیقریش بوییچه کېنگ کولمده سرمایه یاتقیزیلمهگن.
قیته تیکلنهدیگن برق ایش بیلرمانی عادل صافی گه کوره: «قویاش برقی اوستیده کوپ صرفلنیب و سرمایه یاتقیزیلیشی کېرهک، بوتوغریده حاضرگچه اونچهلیک سرمایه یاتقیزیلمهگن حاضرگی کونده یشاوچیلر برقلرینی تأمینلش اوچون کوپراق قویاش برقیدن فایدهلنیشگه یوز کیلتیرگن و دولت هم بعضی چارهلرنی کورماقده.»
بوندن آلدین بیرلشگن ملتلر تشکیلاتینینگ ترقیاتی دستوری، افغانستانده بیر میلیوندن آرتیق کیشی قویاش برقیدن فایدهلنماقدهلیکلرینی اعلان قیلگن ایدی.
