ملی مدافعه وزیرلیگی، قندهارده اوتگن کیچهدهگی توقنشوولرده پاکستاننینگ ۷ پوستهسی اسلام امیرلیگی حربی کوچلری نظارتیگه اوتگنینی بیلدیردی.
اوشبو وزیرلیک، بوگون (۱۳ حوت/۴ مارچ، چهارشنبه) ایکس صحیفهسیده بیر بیانیه ترقهتیب، بو توقنشوولرده «اونلب پاکستان عسکری» اولیب و یرهلنگنینی معلوم قیلگن.
بیانیه گه کوره، پاکستان حربی کوچلرینینگ قورال-یراغلریدن بیر قسمی اسلام امیرلیگی کوچلری قولگه توشگن.
پاکستان حربی کوچلری قویاش ۱۴۰۴ ییل، ۲ حوت، ننگرهار و پکتیکا ولایتلرینینگ ایریم حدودلرینی هوا آرقهلی نشانگه آلدی؛ اسلام امیرلیگی هم قصاص آلیش هجوملری بیلن اونگه جواب قیتردی.
اسلام امیرلیگینینگ سونگی معلوماتیگه کوره، توقنشوو باشلنگنیدن حاضرگه قدر ۱۱۰ تینچ اهالی اولیب و ۱۲۳ کیشی یرهلنگن.
شو بیلن بیرگه، افغانستانده بیرلشگن ملتلر تشکیلاتی نمایندهلیگی (یوناما) تینچ اهالی تلفاتی آشیشیدن خواطر بیلدیریب و ایکی تاماندن تینچ اهالیدن محافظه قیلیشلرینی سورهگن.
