سرپرست حکومت ملی مدافعه وزیرلیگی رسمی‌لری بوگون ( ۷-سنبله، چهارشنبه) اوشبو اداره نینگ بیر ییل‌لیک یوتوق‌لرینی پایله‌شیش برنامه ده، مملکت مقیاسیده امنیت بوتونلی تأمینلنیب، محاربوی فعالیت‌لر کمه‌یشی بیلن، تینچ اهالی نینگ تلفاتی صفر گه یقینله‌گنینی اېته‌دیلر.
سرپرست حکومت ملی مدافعه وزیرلیگی نینگ پالیسی و استراتیژیک اورین باسری محمدقاسم فرید نینگ ایتیشیچه، «افغانستان فتح» اېتیلیشی بیلن اولکه بویلب امنیت تأمینلنگن، محاربوی فعالیت‌لر سیزیلرلی درجه ده کمه‌یشی بیلن تینچ اهالی نینگ تلفاتی صفر گه یقینله‌گن.
بیزلرنینگ فیسبوک صحیفه‌میزگه باش اورینگ!
اونینگ ایشانچی گه کوره، سۉنگی بیر ییلده مالی، اداری و تدارکاتی بولیم‌لرده اصلاحات کېریتیلیشی بیلن برچه ساحه‌لرده بوتونلی تینیق‌لیک تأمین اېتیلگن.
مذکور وزیرلیک نینگ اردو باشلیغی محمدفصیح‌الدین فطرت گه کوره، سۉنگی بیر ییلده توپلم شکلده بیر مینگ ۳۸۳ حلقه ماین یوق اېتیلگن. فطرت جنابلری، مملکت چېگره‌لرینی قوریقلش و خوفسیزلیک واقعه‌لرنی آلدینی آلیش اوچون، کوپینچه کندک‌لر، حربی پایگاه‌لر و خوفسیزلیک بیکت‌لر قوریلگن دیېدی.
بیزلرنینگ «ایکس» ترماغی ده هم تعقیب قیلینگ!
فطرت جنابلری نینگ کوپه‌یتیریشیچه: «سۉنگی بیر ییلده اسلامی ملی اردو ۸۱۳ مینگ ۳۵۲ اوپراسیونی عملیات اۉتکزگن که نتیجه ده ۵۸۸ یینگیل قورال و ۶۰ آغیر قورال، بیر مینگ ۵۱۵ کیلوگرام پارتلش ماده، ۲۳۹ قول بمبی، ۴۴ مخابره، ۴۰ دوربین، ۳۸۶ نقلیه واسطه و بیر مینگ ۹۸۲ موتر سایکل نی تاپیب و بیر مینگ ۳۸۳ ماین یوق اېتیلگن.»
ملی مدافعه وزیرلیگی مسئوللری، قدریت‌لر و ملی حاکمیت نی قوریقلش، قانون و امنیت تأمین اېتیلیشی، سکتوری اداره‌لر بیلن همکارلیک قیلیش، طبیعی آفت‌لر طفیلی نقصان کورگنلر گه یاردم کورسه‌تیش و مملکت مدافعه و خوفسیزلیک اداره‌لرینی هماهنگ قیلیش نی بو وزیرلیک نینگ بیرینچی ایشلریدن اته‌گنلر.
