پاکستان نینگ بلوچستان ایالتیده سرک یانیده ییرلشتیریلگن ماین پارتلشی عاقبتیده اوشبو مملکت نینگ بیش عسکری هلاک بولگن.
پاکستان ییتکیرمه‌لری نینگ معلوماتی اساسیده، ۱۳-جنوری، شنبه کونی، بو مملکت نینگ بلوچستان ایالتی نینگ «کیچ» منطقه‌سیده حربی کاروان یقینیده سرک یانیده ییرلشتیریلگن ماین پارتلشی عاقبتیده پاکستان‌لیک بیش عسکر هلاک بولیب و باشقه بیرقطاری یره‌لنگن.
بیزلرنینگ فیسبوک صحیفه‌میزگه باش اورینگ!
بو پارتلش ترورچی گروه‌لر گه قرشی عملیات پیتیده یوز بیریب و اوشبو مملکت حربی کوچلری قوراللی توقنشوو ده اوچ شبه‌نظامی نی یوق ایتگن دیدی، پاکستان حربی کوچلری.
بلوچستان بولیمی آزادلیک جبهه‌سی بیر بیانیه ترقه‌تیب بو هجوم مسوولیتینی تن آلگن.
پاکستان نینگ بلوچستان ایالتیده بلوچستان بولیمی آزادلیک جبهه‌سی شامل باشقه نیچه گروه فعالیت قیلماقده و بو مملکت حربی کوچلری گه قرشی اویوشتیریله‌دیگن ایریم هجوم‌لر نی تن آله‌دی.
بیزلرنینگ «ایکس» ترماغی ده هم تعقیب قیلینگ!
پاکستان، بلوچ شبه‌نظامی‌لری هندوستان دولتی تامانیدن مالی و حربی حمایت بولیشنی ایتسه ده، لیکن هندوستان بو عیبلاولر نی هردایم رد قیلگن.
