اسلام امیرلیگی ملی مدافعه وزیرلیگی، پاکستاننینگ بو مملکتده یوز بیرگن سونگی پارتلشنی افغانستان گه نسبت بیرگنی توغریسیدهگی بیاناتینی، مسئولیتسیز و اساسسیز دیب اتهگن.
اوشبو وزیرلیک سوزلاوچیسی عنایتالله خوارزمی، اوتگن کون کیچ قورون (۱۷-دلو، جمعه)، اکس صحیفهسیده یازیشیچه، پاکستان تیزلیککه بیانات بیریش و افغانستاننی عیبلش بیلن، امنیت بولیمیدهگی ناکاملیکلرینی یاشیره آلمهیدی.
مدافعه وزیرلیگی سوزلاوچیسی، پاکستان دن اهالی فکرینی بوزیش و مسئولیتلردن قاچیش اورنیده، اوز سیاستینینگ تغییر بیریب، همکارلیک همده ایجابی یاندهشووگه دوام بیریشینی سورهگن. «پاکستان خوفسیزلیک مسئوللری سیاستلرینینگ قیته کوریب چیقیشلری کیرهک، اوز اهالیسی و قوشنی مملکتلرنی اوزیدن اوزاقلشتیریش اورنیده، همکارلیک همده ایجابی یاندهشووگه دوام بیرسین.»
اوتگن کونی پاکستان پایتختی اسلامآباد شهریده جایلشگن بیر مسجدده یوز بیرگن پارتلش نتیجهسیده، ۳۱ کیشی اولیب و ۱۶۹ کیشی یرهلندی. بو واقعهدن کیین پاکستان مدافعه وزیری خواجه محمدآصف، مذکور پارتلش عاملینینگ افغانستان گه باریب-کیلیشی بولگنینی ادعا قیلگن.
