سرپرست حکومت ایکینچیلیک، سوغاریش و چاروه‌چیلیک وزیرلیگی مسئوللری، اوشبو قویاش ییلده مملکت بویلب ۲.۱۴ میلیون هکتار ییرده ایکیلگن بوغدای دن بیش میلیون متریک تُن بوغدای حاصل آلینگن، اۉتگن ییللر گه نسبتن ۱۳ فایز کوپه‌یشنی کورسته‌دی.
ایکینچیلیک، سوغاریش و چاروه‌چیلیک وزیرلیگی سۉزلاوچیسیگه کوره، حاضرگی کونده افغانستان توپلم طرزده یېتّی میلیون متریک تُن بوغدای گه احتیاجی بار و یالغیز بیش میلیون تُنی مملکت ایکینلریدن تأمینلنماقده و باشقه بیر یریم میلیون تُن چیت ایل دن وارد قیلینیشی کېره‌ک.
اونینگ کوپه‌یتیریشیچه: «اهالی نینگ بوغدای گه احتیاجی کوپه‌یگن. اسلام امیرلیگی نینگ حاکمیتی بیرینچی ییلیده بوغدای ایکینلریدن ۳ دن ۳.۵ میلیون متریک تُن بوغدای حاصل آلینگن اېدی. اوچ ییلدن سۉنگ غایه گه ایریشیش عرفه‌سیده بو رقم بیش میلیون متریک تُن گه یېتگن.»
بیزلرنینگ فیسبوک صحیفه‌میزگه باش اورینگ!
ایکینچیلیک ایشلری بوییچه ایش بیلرمان‌لردن بیرقطاری، مملکت بویلب بوغدای حاصلی مول بولیشی مقصدیده افغانستان ایکینچیلیگی زمانه‌وی لشتیریلیشی گه ایشانه‌دیلر. ایکینچیلیک ایش بیلرمان‌لریدن عبدالعلیم عثمانی گه کوره، بوغدای بوییچه افغانستان اۉزینی-اۉزینی تأمینلش اوچون دهقان‌لر گه آگاهی‌لیک بیریش برنامه‌لر یولگه قوییلیشی کېره‌ک.
اونینگ ایتیشیچه: «حاضرگی کونده ایکینچیلیک سنت‌لیگیچه قالگن. ایکینچیلیک زمانه‌وی بولگن حالده اۉزیمیزنی-اۉزیمیز تأمین‌لشی‌میز ممکن. اوسکونه‌لردن قوللنیب و سولنتیریش تېزیمینی زمانه‌وی لشتیریش کېره‌ک. شونینگدیک ایکینچی‌لر گه آگاهی‌لیک بیریش برنامه‌لر یولگه قوییلیشی درکار.»
بیزلرنینگ «ایکس» ترماغی ده هم تعقیب قیلینگ!
ایکینچیلیک ایشلری بوییچه ایش بیلرمان عبدالباقی روستایی نینگ ایتیشیچه، تورلی ایکینلر، اصلاح اېتیلگن اوروغ توزیع بولیشی و توپراق معاینه بولیشی، مملکت مقیاسیده بوغدای حاصلی کوپ بولیشی گه سبب بولیشی ممکن.
اونگه کوره: «دستلب ایکین اوروغ‌لردن قوللنیش کېره‌ک چونکه بومی اوروغ‌لر گه نسبتن یخشی حاصل بیره‌دی. ایکینچیدن، تورلی خیل ایکیش رعایت اېتیلیشی. اوچینچی، توپراق تېکشیریلیشی و تورتینچی، ایکینچیلیک اوسکونه‌لردن قوللنیش دیر.»
صناعت و سودا وزیرلیگی نینگ معلوماتی اساسیده، اوشبو قویاش ییل نینگ بیرینچی اوچ آی ده پاکستان، اۉزبېکستان، تاجیکستان، روسیه، قزاقستان، هندوستان، تورکمنستان و بیرلشگن عرب امیرلیگیدن ۱.۶ میلیون دالرلیک ۱۷ مینگ متریک تُن بوغدای وارد اېتیلگن.