آزیق-آوقات و دارو ملی اداره‌سی نینگ ایتیشیچه، اوتگن ایکی ییل‌ده افغانستان ده ساغلیق جهازلر و دارولر نینگ ایشلب چیقریش ۳۹ ایش‌خانه ایجاد یا-ده قیته فعال بولگن که، بو رقم بیلن اوشبو بولیم‌لرده فعال تولیدی ایش‌خانه‌لر نینگ توپلم رقمی ۹۵ ایش‌خانه گه ییتیشه‌دی.
مذکور اداره سوزلاوچیسی جاوید هژیر نینگ سلام‌وطندار گه ایتیشیچه، اوتگن ایکی ییل‌ده افغانستان ده ساغلیق جهازلر و دارولر نینگ ایشلب چیقریش ایش‌خانه‌لر امکانیتی، ۲۵۰دن ۶۵۰ گه کوپه‌یگن.
بیزلرنینگ توییترده هم تعقیب قیلینگ!
باشقه بیر تامان‌دن، کابل یشاوچیلریدن قطاری بازارلردن موجود دارولر نینگ قویی کیفیت‌لیگی و فایده‌لی بولمه‌گنی‌دن شکایت قیله‌دیلر.
کابل شهری‌ده‌گی کسل‌دارلردن ادیب نینگ ایتیشیچه؛ کسلی نینگ دوالنیشی اوچون قریب یوزمینگ افغانی صرف‌له‌گنی بیلن، بیراق اوشبو دارولر نینگ کیفیتی قویی بولگنی سبب، او یخشی بولمه‌گن. اونینگ کوپه‌یتیریشیچه: «کسل‌لیمیز نینگ بویره‌ک قیین‌چیلیگی بار، ۷-۸ ییل‌دن بیری درمان آستیده قرار تاپگن. دارولر کیفیت‌سیز دیر و فایده قیلمه‌یدی. شاید بیر لک افغانی‌دن کوپراق صرف‌لنگن بولسه، بیراق قنده‌ی فایده قیلمه‌گن.»
شونینگدیک کابل یشاوچیلریدن باشقه بیری زینب نینگ ایتیشیچه، آنه‌سی شکر و قلبی کسل‌لیککه چلینگنی سبب، قریب اون ییل‌دن بیری درمان آستیده قرار تاپگن؛ بیراق دارولر نینگ کیفیت‌سیزلیگی سبب، یخشی بولمه‌گن. زینب نینگ کوپه‌یتیریشیچه: «آنم ۹-۱۰ ییل‌دن بیری شکر و قلبی کسل‌لیککه چلینگن. دولتی و خصوصی کسل‌خانه‌لر گه باردیک، بیراق دارو‌لری فایده قیلمه‌دی؛ بیراق کسل‌لیگی کوپه‌یدی. هر آی کسل‌خانه گه آلیب بار، لیکن فایده‌سی یوق.»
بیزلرنینگ فیسبوک صحیفه‌میزگه باش اورینگ!
آزیق-آوقات و دارو ملی اداره نینگ کنترول و تیکشیروو رئیسی سلیم‌خان فدایی نینگ ایتیشیچه، اوتگن تورت آی‌ده، کابل شهری‌دن کیفیت‌سیز آلتی لاری دارو توپلنگن که، اولردن کوپینچه‌سی نینگ تاریخی اوتگن ایدی. اونگه کوره، اوشبو دارولر، ایچکی عمده ساتوچیلیک‌لر، دار‌وخانه‌لر و شرکت‌لردن توپلنگن دیر.
آزیق-آوقات و دارو ملی اداره مسئوللری نینگ ایتیشلریچه، افغانستان نینگ چیگره‌لریده ۷۳دن آرتیق فرعی یول بار که، مملکت گه وارد بوله‌دیگن کیفیت‌سیز دارولر نینگ کنترول بولیشی گه توسیق بوله‌دیگن اصلی سبب دیر.