افغانستان دنیا بویلب اقلیم اوزگریشیدن تاثیرلنگن آلتینچی مملکت سنله‌دی؛ سونگی ییل‌لرده اقلیم اوزگریشی مملکت نینگ قطار منطقه‌لریده ایکینچیلیک محصولات قوریشی، ییر آستی سوولری پس توشیشی، دهشتلی سوو تاشقین‌لری یوز بیریشی و کیتمه-کیت قورغاقچیلیککه سبب بولگن.
بیرلشگن ملت‌لر تشکیلاتی نینگ بین‌الدول هیئتی، سونگی یریم سنه دن آرتیق ده اورته درجه ده ییر ایسیشنی ۱.۵ فایز پیش‌بینلیک قیلگن ایدی، بیراق افغانستان ده ییر ایسیش درجه‌سی دنیا نینگ باشقه منطقه‌لری گه نسبتن ۰.۳ فایز دیر.
اطراف-محیط اداره‌سی گه کوره، افغانستان ده ییر ایسیش درجه‌سی ۱.۸ فایز دیر.
مذکور اداره نینگ معلوماتی اساسیده، مملکت ده اقلیم اوزگریشی و ییر ایسیشی، کوپ سانده یشاوچیلر نینگ آواره بولیشی گه سبب بولگن.
بیزلرنینگ فیسبوک صحیفه‌میزگه باش اورینگ!
شو بیلن بیرگه، اطراف-محیط ملی اداره‌سی افغانستان موزلری وضعیتی حقیده ایتیشیچه، میلادی ۱۹۹۰-ییل دن ۲۰۱۵-ییل گچه بولگن تیکشیرو نتیجه‌لری اساسیده، اقلیم اوزگریشی و ییر ایسیشی افغانستان موزلری نینگ ۱۴ فایزینی ییریتگن.
اطراف-محیط ملی اداره نینگ اقلیم اوزگریش ایشلری بوییچه باشلیغی روح‌الله امین نینگ سلام‌وطندار گه ایتیشیچه: «۱۹۹۰-ییل دن ۲۰۱۵ ییل گچه بولگن تیکشیرولر گه بناً، موزلریمیز نینگ ۱۴ فایزی ییریگن، موزلر ییریشی ییر ایسیشیدن درک بیره‌دی، بونگه قوشیمچه سونگی ۱۰ ییل ده ۱۰۴ مینگ هکتار ایکینچیلیک ییر، ۴۸ مینگ هکتار باغ و ۴۰ مینگ یشش اوی بوزیلگن و باشقه ۱۰۰ مینگ دن آرتیق یشش اوی زیان کورگن، حاضرگی کونده افغانستان ده ۱۴۰ تورلی وحشی حیوان یوق بولیش خوفی بیلن دوچ دیر.»
سلام‌وطندار بغلان، سمنگان، هرات، غور، بادغیس، هلمند، زابل، ارزگان و قندهار یشاوچیلریدن بیرقطاری بیلن صحبت قیلگن، اولر نینگ برچه‌سی کیتمه-کیت قورغاقچیلیک باعث ایکین‌لری قوریب و قیین احوال ده قالگن‌لرینی ایتگنلر.
اولر ارا، غور و هلمند ولایتلری محلی مسئوللری سلام‌وطندار گه ایتیشلریچه، بو ایکی ولایت ده سونگی ییل‌لرده‌گی قورغاقچیلیک طفیلی چمه‌سی ۱۰ مینگ عایله آواره بولیش گه سبب بولگن.
غور قاچقین‌لر باشلیغی میراحمد مصمم گه کوره: «سونگی ییل‌لرده‌گی قورغاقچیلیک باعث قریب ۸ مینگ عایله، اوی‌لرینی ترک قیلیب شهر ده تیریکچیلیک قیلماقده‌لر.»
شونینگدیک، هلمند معلومات و مدنیت ریاستی اورین باسری محمدقاسم ریاض نینگ سلام‌وطندار گه ایتیشیچه: «قورغاقچیلیک دن واشیر، نوزاد، موساقلعه و کجکی تومنی نینگ قطار منطقه‌لری زیان کورگن، بو تومن‌لردن تخمیناً ایکی مینگ عایله باشقه منطقه‌لر گه آواره بولیشگه مجبور بولگن.»
بیزلرنینگ «ایکس» ترماغی ده هم تعقیب قیلینگ!
هرات گلران تومنی یشاوچیسی سمیه، قورغاقچیلیک باعث قریب آلتی آی دن بیری هرات شهری گه آوار بولیب کیلگن ایتیشیچه: «قورغاقچیلیک بولدی، ایکینچیلیک ییرلر حاصل بیرمه‌دی، قوی‌لریمیزنی ساتیب و تاوان بیردیک و حاضر کیلیب اجاره اوی ده حیات کیچیرماقده‌میز.»
شونینگدیک، سمنگان ولایتی دره‌ی صوف تومنی اصلی یشاوچیسی عبدالاحد خاکسار، قورغاقچیلیک طفیلی اوشبو تومن اهالیسی نینگ جبر دن مهاجر بولیش‌لری خصوصیده ایتیشیچه: «آواره بولگنیمیز دن قریب ییتتی آی اوتماقده، قطار کیشی‌لر باشقه منطقه‌لر گه آواره بولگن، دره‌ی صوف تومنی نینگ ۷۰ و ۸۰ فایز اهالیسی بو ییرنی ترک قیلگن.»
بیلرمان‌لر، مملکت کیله‌جگی اوچون حاضرگی وضعیت نی خواطرلی دیب ایتیشلریچه، بو تهدید افغانستان نینگ سونگی ایکی ییل ده ایریم قیینچیلیک‌لر باعث سازگارلیک صندیق‌لری دن فایده‌لنه آلمسلیگی طفیلی، کوچه‌یگن.
یشش محیط ایش بیلرمانی نجیب‌الله سدید نینگ ایتیشیچه: «دنیا و مملکت‌لرده اقلیم اوزگریشی اوچون قوریلگن صندیق‌لر دن، افسوس بیلن افغانستان تحریم‌لر باعث پول آلالمه‌یدی.»
ایتیش کیره‌ک، افغانستان دنیا بویلب گلخانه‌ی گازلر تولیدی اوچون آز حصه‌سی بولسه ده، بیراق اقلیم اوزگریشیدن سیزیلرلی درجه ده تاثیرلنگن.
