پاکستان ده افغانستانلیک قاچقین‌لردن قطاری‌نینگ ایتیشلریچه، دستلبکی خذمت‌لردن فایده‌لنه آلمسلیک یانیده، اوشبو مملکت پولیسی آرقه‌لی قولگه آلینیب و افغانستان گه قیتریلیش‌دن قورقه‌دیلر.
پاکستان ده‌گی افغانستانلیک قاچقین‌لردن بیری ایمل حبیبی‌نینگ ایتیشیچه، قاچقینلر قولگه آلینیش‌دن قوریب بو مملکت‌ده حیات کیچیره‌دی. اونینگ کوپه‌یتیریشیچه: «افغانستانلیک قاچقینلر پاکستان ده عایله اعضالریدن بیری قولگه آلینیب و جبری شکلده بو مملکت‌دن چیقریلیشی خصوصیده قورقوو بیلن حیات کیچیره‌دیلر.»
پاکستان ده‌گی افغانستانلیک قاچقین‌لردن باشقه بیری هادی غفاری‌نینگ ایتیشیچه، اوشبو مملکت‌ده‌گی افغانستانلیک قاچقین‌لردن قطاری، قشاق‌لیک، ایش‌سیزلیک و چیقریلیش‌دن قورقووی سبب، افسرده‌لیککه چلینگنلر. «قاچقین‌لردن قطاری بیرلشگن ملتلر تشکیلاتی تامانیدن مهاجرت کارت‌نی قولگه کیلتیرگنلر که پولیس آرقه‌لی ایشانچی بیلینمه‌یدی. شو رقم قاچقینلرنینگ باشقه قیینچیلیگی ایسه ایش‌سیزلیک دیر. بولر گه هیچ قنده‌ی ایش بیریلمه‌یدی و اقتصادی قیین‌چیلیک بیلن روپه‌ره‌لر.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، قاچقینلر وزیرلیگی سوزلاوچیسی عبدالمطلب حقانی، پاکستان و باشقه میزبان مملکت‌لردن، افغانستانلیک قاچقینلر گه داوطلب شکلده مملکت‌لری گه قیتیش‌‌گه رخصت بیریشلرینی ایسته‌گن. اونینگ کوپه‌یتیریشیچه: «مذکور مملکت‌لر قاچقینلرنینگ کلتک‌لنیشی اوچون بهانه تاپمه‌سینلر و قاچقینلر نی قویسینلر. اولربیلن یخشی مناسبتده بولسینلر که اوز خوشلریگه افغانستان گه قیتسینلر.»
قاچقینلر وزیرلیگی‌نینگ معلوماتی اساسیده، جاری قویاش ییل‌‌نینگ باشلنگنی‌دن حاضرگچه، ۸۸ مینگ کیشی پاکستان دن داوطلب و جبری شکلده افغانستان گه قیتریلگن و شونینگدیک خلق‌ارا قاچقینلر تشکیلاتی‌نینگ معلوماتی اساسیده، ۲۰۲۳-ییل ۱۵-سپتمبر‌دن ۲۰۲۴-ییل ۱۵ سپتمبر‌گه قدر، قریب ۵۸۸ مینگ افغانستانلیک قاچقین پاکستان دن مملکت گه قیتریلگن.
داوطلب و جبری شکلده پاکستان دن چیقریلگن افغانستانلیک قاچقین‌لردن قطاری، ایش‌سیزلیک و باش‌پنه‌سیزلیک‌دن شکایت قیله‌دیلر.
بیزلرنینگ «ایکس» ترماغی ده هم تعقیب قیلینگ!
نیچه مدت آلدین پاکستان دن تورخم یولی آرقه‌لی افغانستان گه قیتگن ننگرهار یشاوچیسی رحمان‌الله‌نینگ ایتیشیچه: «او ییرده ایشی‌میز یخشی ایدی و حاضر ایسه بو ییرگه کیلگن‌میز و ایش یوق، باش‌پنه یوق و اوی کرایه‌سینی بیره‌میز. اقتصادی وضعیتی‌میز یخشی ایمس.»
قاچقینلر وزیرلیگی مسئوللری‌نینگ ایتیشلریچه، پاکستان دن قیتریلگن قاچقینلر قیین‌چیلیگی‌نینگ حل قیله‌دیلر.
ینگی‌لیکده خلق‌ارا قاچقینلر تشکیلاتی‌نینگ اعلام قیلیشیچه، پاکستان ده‌گی افغانستانلیک قاچقینلر سانی اوچ میلیون ۵۰۰ مینگ کیشی‌گه ییتیشه‌دی که اولردن ۶۰۰ مینگ ته‌سی حجت‌سیز شکلده حیات کیچیرماقده.
