افغانستان بوییچه اورته آسیا مملکتلرینینگ مخصوص وکیللری بیرینچی ییغیلیشی، اۉزبېکستانده اوتکزیلدی.
اۉزبېکستان تشقی ایشلر وزیرلیگی، ۴-سنبله، سهشنبه کونی ایکس صحیفهسیده بیر بیانیه ترقهتیب، بو ییغیلیش اۉزبېکستان، قزاقستان، قرغیزستان و تاجیکستان وکیللرینینگ حضوری بیلن تاشکینتده اوتکزیلگنینی معلوم قیلگن.
بیانیه اساسیده، تورت مملکت وکیللری، افغانستان گه عاید مسئلهلر ترتیبلی و قوشمه شکلده بحث گه آلینیشی اوچون بیر «علاقه گروهی» شکللنیشی گه کېلیشگنلر.
بیزلرنینگ فیسبوک صحیفهمیزگه باش اورینگ!
اولر، اورته آسیا مملکتلری افغانستان گه نسبتن مستقل یاندهشوو ایگه بولیشلری و منطقهنینگ برقرارلیگی، خوفسیزلیگی همده برقرار رواجلنتیریش اوچون همکارلیک قیلیش مسئلهلری حقیده بحث قیلگنلر.
اوشبو ییغیلیشده اشتراک اېتگنلر، افغانستان و اورته آسیا مملکتلری آرهسیده اقتصادیات، سودا، ترانزیت و مدنیت علاقهلری کېنگهیتیریلیشی گه تأکیدلشگن.
شو بیلن بیرگه، اورته آسیا مملکتلرینینگ مخصوص وکیللری منطقه خوفسیزلیگی، تروریزم گه قرشی کورهشیش و بنگیوار مادهلر قاچاق ایتیلیشی ساحهلریده اسلام امیرلیگی عملدارلری بیلن قندهی همکارلیک قیلیش بارهسیده فکر المشتیریشگن.
