سلام‌وطندار بیلن صحبت اوتکزگن میدان‌وردک ولایتی چک تومنی یشاوچیلریدن بیرقطاری نینگ ایتیشلریچه، اوشبو تومن نینگ برق توغانی اوتمیش ده برق ایشلب چیقریش گه قوشیمچه ایکینچیلیک ییرلرنی سوغاریش اوچون ییترلیچه سووی بار ایدی، بیراق حاضر لای دن تولگن.
اولر گه کوره، چک تومنی برق توغانیده سوو یوق و برق تولید قیله آلمه‌یدی، اوشبو توغان قولب توشمسلیگی، برق و سووی دن اهالی فایده‌لنیشی اوچون مرکزی حکومت مذکور توغان نینگ قیته قوریشی کیره‌ک.
میدان‌وردک ولایتی چک تومنی یشاوچیلریدن احمدویس وردک نینگ ایتیشیچه: «توغان نینگ ۸۵ فایز کاسه‌سی لای دن تولگن و یالغیز ۱۵ فایزی گه سوو بار. بو مقدار سوو برق تولید قیله آلمه‌یدی. توغان پاک کارلیک بولمه‌گن حالده، قولشی ممکن.»
بیزلرنینگ فیسبوک صحیفه‌میزگه باش اورینگ!
میدان‌وردک ولایتی چک تومنی یشاوچیلریدن باشقه بیری محمد حلیم گه کوره: «حکومت و برشنا مسئوللریدن، بوتوغریده بیز بیلن همکارلیک قیلیب و چک برق توغانینی قیته فعال قیلیش‌لرینی ایسته‌یمیز.»
چک تومنی یشاوچیلریدن باشقه بیری گه کوره، حکومت اوشبو توغان‌نی قیته قوریشی لازم. اونگه کوره، مذکور توغان نینگ فنی جهازلری اوچ ییل آلدین قرارداد قیلگن بیر کمپنیه تامانیدن کیلتیریلگن ایدی بیراق سابق حکومت نینگ بی فرق‌لیگی طفیلی، اوشبو جهازلر بوزیلیش خطری بیلن روپه‌ره بولگن.
او مرکزی و محلی رسمی‌لردن، چک تومنی برق توغانینی قیته قوریش اوچون دقت قیلیش‌لرینی طلب قیله‌دی. «کوپ جهاز کیلتیریلگن، توربین‌لر و جنراتورلر حاضرگچه کیلتیریلمه‌گن بیراق ترانسفرمرلر آلیب کیلینگ و شونینگدیک برق کیبل‌لری کیلتیریلگن. فلش سیستمی آلیب کیلینگ لیکن حاضرگچه قوللنیلمه‌گن و جهازلر نینگ گرنتی وقتی بیتماقده دیر.»
عین‌حالده، چک تومنی اولسوالی مطیع‌الله نینگ سلام‌وطندار گه ایتیشیچه، اوشبو توغان نینگ فنی برچه جهازلری حفاظت بولماقده و توغان نینگ قیته قوریش اوچون سعی و حرکت قیلماقده‌لر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، مذکور توغان نینگ قیینچیلیگی و اهالی نینگ خواطرلری مملکت باش وزیری گه قدر ییتگن، بوتوغریده نیچه ییغیلیش اوتکزیلگن و چک تومنی برق توغانی نینگ قیته قوریش ایشی تیزلیک بیلن باشلنه‌دی.
ایتیش کیره‌ک که، چک تومنی برق توغانی نینگ اوچ توربینی بار و بو توغان ۸۵ ییل آلدین قوریلگن. مسئوللر گه کوره، مذکور توغان ینگی فعالیتی زمانیده میدان‌وردک گه قوشیمچه کابل شهری گه برق بیرر ایدی.
شو بیلن بیرگه، حاضر اوشبو توغان گه قره‌شلی ۲۵۰ جریب ییر لای دن تولگن و یالغیز ۲۵ فایزی گه سوو بار.
