خلقارا قیزیل خاچ فدراسیونی و قیزیل آی جمعیتی، پاکستان دن افغانستانلیک قاچقینلرنینگ سیزیلرلی درجهده چیقریلیشی کوپهیگنیگه تیگیشلی، تیز و اوزون مدتلی یاردم ییتکزیلیشی توغریسیده عاجل چقیریق یولگه قویگن.
مذکور نهادلر، ۱۲-ثور، جمعهدن شنبه گه اوتر کیچه بیر اعلامیه آرقهلی یازیشیچه، اوتگن ۱۸ آیده قریب بیر میلیون افغانستانلیک قاچقین مملکت گه قیتریلگن که یالغیز اپریل آییده، ۱۴۵ مینگدن آرتیق کیشی تورخم و اسپینبولدک قتناو یوللریدن افغانستان گه قیتگنلر.
بیزلرنینگ فیسبوک صحیفهمیزگه باش اورینگ!
خلقارا قیزیل خاچ فدراسیونینینگ کوپهیتیریشیچه، افغانستان جدی اقتصادی بحران، طبی خذمتلر کملیگی و آزیق-آوقت ناتینچلیگی بیلن روپهره بولگنی بیرحالده، مملکتگه قیتریلیش کوچهیگن.
مذکور چقیریقده خلقارا قیزیل خاچ فدراسیونی، آزیق-آوقت، سوو، طبی خذمتلر و باشپناه کبی عاجل یاردملر تامینلنیشی و شونینگدیک زیان کورهدیگن عایلهلر اینیقسه حامله عیاللر، سرپرستسیز بالهلر، کیکسهلر و ناگران کیشیلرنی قوللب-قوتلش اوچون ۲۵ میلیون سویس فرانکی توپلنیشینی ایستهگن.
بیزلرنینگ «ایکس» ترماغی ده هم تعقیب قیلینگ!
مذکور فدراسیون خلقارا همجمعیتدن، افغانستان گه قیتریلگن مینگلرچه کیشیگه یاردم بیریش توغریسیدهگی اوشبو چقیریقدن مالی حمایت قیلیب و حصه قوشیشلرینی سورهگن.
