هرات ولایتیده (۳۰-میزان، چهارشنبه)، «بسمالله صدیقی» جمغرمهسی مالی حمایتی بیلن ۶۰ ییگیتنینگ توپلم توی مراسمی اوتکزیلگن.
اوشبو جمغرمه باشلیغی بسمالله صدیقی، بو مراسمنینگ اوتکزیلگنیدن مقصد، یاشلر آرهسیده توپلم توی مراسملری رواجلنیشی و کیرهکسیز صرف-خرهجتلر آلدی آلینیشی دیگن.
صدیقیگه کوره، مذکور توپلم توی مراسمی ۱۰۰ مینگ دالردن آرتیق خرهجت کوتاریب و هر بیر ییگیتگه، بو جمغرمه آرقهلی بیر قطار نرسه هم بیریلگن.
سونگی ییللر، کمبغللیک گرافی یوقاریلیگی، توی صرف-خرهجتی کوپلیگی و عایلهلر آرهسیده کوپینچه قلین آلینیش سبب، تورلی ولایتلرده توپلم توی مراسملری اوتکزیلیشی کوپهیگن.
