سمنگان مرکزی ایبک شهریده، بوگون (۱۹-دلو، یکشنبه)، خیرلی کیشیلر مالی حمایتی بیلن ۷۵ ییگیتنینگ توپلم توی مراسمی اوتکزیلگن.
اوشبو توپلم توی مراسمی تشکیلاتچیلریدن بیری عبدالخالقنینگ ایتیشیچه، مذکور مراسم، اقتصادی قیینچیلیک سبب نیچه ییلدن بویان توی قیله آلمهگن ییگیتلر بیلن همکارلیک قیلیش همده کوپینچه خرهجتلر و ناتوغری عرف-عادتلر آلدی آلینیشی مقصد اوتکزیلگن.
اونینگ کوپهیتیریشیچه، مذکور توپلم توی مراسمیده توی کییمی یانیده، هر بیر کیلینگه ۵۰۰۰ افغانی و هر بیر کییاوگه ایکی مینگ افغانی ترقهتیلگن.
شوندهی بیرحالده، دین عالملریدن قطاری، بو کبی توی مراسملری اوتکزیلیشینی خوش قرشیلب و اهالی آرهسیده رواجلنیشیگه تاکید قیلگن.
شونینگدیک، مذکور توپلم توی مراسمیدهگی ییگیتلردن قطاری، عایلهلردن کوپینچه صرف-خرهجتلر آلدی آلینیشی و توی مراسملرینینگ قولی شکلده اوتکزیلیشینی سورهگنلر.
سونگی ییللرده، مملکتنینگ بیر قطار ولایتلریده توپلم توی مراسملری اوتکزیلیشی کوپهیب و شونینگدیک اوتگن ییل، سمنگان ولایتیده خیرلی کیشیلر حمایتی بیلن ۱۷۵ ییگیتنینگ توپلم توی مراسمی اوتکزیلگن ایدی.
