افغانستان مرکزی بانکی بیر بیانیه ترقهتیش بیلن یازیشیچه، ۸-دلو، دوشنبه کونی اوشبو بانک سرپرستی نوراحمد آغا ییتکچیلیگیده، تجارتی بانکلر باشلیغلری بیلن بانکی سکتور فعالیتلری رواجلنیشی و افغانی پول ثباتی حقیده بیر ییغیلیش اوتکزیلگن.
اوشبو ییغیلیشده، افغانستان مرکزی بانکی سرپرستی نوراحمد آغانینگ ایتیشیچه، افغانی پول ارزشینی سقلش بو بانکنینگ بیرینچی ایشلریدن بولیب و اوشبو بانک ییترلی چاره کوریش بیلن افغانی پول ارزشینی سقله آلگن.
بیزلرنینگ «ایکس» ترماغی ده هم تعقیب قیلینگ!
نوراحمد آغا، سونگی کونلر تشقی پوللر برابریده افغانی پول قیمتیده اوزگریشلر کیلگنی نی بیان قیلیب و کوپهیتیریشیچه، مرکزی بانک ضرور اقداملر و پول سیاستینینگ عاقلانه اصوللریدن فایدهلنیش بیلن، بازار نی عادی وضعیتگه قیتره آلگن.
مرکزی بانک سرپرستینینگ اورغولشیچه، بو توغریده سعیوحرکتلر دوام قیلماقده و شونینگدیک بو بارهده مکمل هماهنگلیک بیلن برچه تیگیشلی نهادلرنینگ همکارلیک قیلیشیگه نیاز بار.
بیزلرنینگ فیسبوک صحیفهمیزگه باش اورینگ!
شونینگدیک او، مملکت اقتصادی رواجلنیشی و ترقیاتیده تجارتی بانکلرنینگ مثبت رولینی اونملی دیب و تجارتی بانکلر باشلیغلریدن ملی مسئولیتلرینی نظرگه آلیب، آلیش-بیریشلرینینگ افغانی پول بیلن عملگه آشیریشلرینی ایستهگن.
ایتیش کیرهک که، اوشبو ییغیلیشده تجارتی بانکلر باشلیغلری هم بو توغریده اوز فکرلرینی ایتیب و افغانستان مرکزی بانکی توصیهلرینینگ عملگه آشیریشلریگه سوز بیرگنلر.