اوزبیکستانده رمضان هییت بیرهمی اعلان قیلیندی. اوزبیکستان ییتکرمهلری اوشبو مملکت عدلیه وزیرلیگیگه اساسلنیب، بو مملکتده ۲۹ حوت/۲۰ مارچ، جمعه کونی رمضان هییت بیرهمی دیب اعلان قیلینگنیدن خبر بیردیلر.
بوندن آلدین قرغیزستان مسلمانلری دینی باشقرمهسی، بو مملکتده جاری ییلده رمضان هییت بیرهمی ۲۰ مارچ، جمعه کونی دیب اعلان قیلگن ایدی.
افغانستان اسلام امیرلیگی و سعودی عربستان، هییت بیرهمی قچان ایکنلیگینی اعلان قیلمهگنلر.
رمضان هییتی (عید فطر) مسلمانلر اوچون مقدس رمضان آیی یکونلنگنینی بیلدیروچی اینگ مهم بیرهم دیر. بو کونی مسلمانلر هییت نمازینی اوقیدی، فطر صدقهسینی بیرهدی، قرینداش-اوروغلرنی زیارت قیلهدی و بیرهم دسترخوانی یازهدی.
