تورکیه ده افغانستان ایلچیخانه‌سیده منبع‌لر نینگ ایتیشلریچه، تورکیه دولتی اسلام امیرلیگی نینگ ینگی دیپلوماتینی اوشبو ایلچخانه ده قبول قیلگن.
تورکیه پایتختی انقره ده افغانستان ایلچیخانه‌سیده بیر منبع اسمی سِر قالیش شرطی بیلن بوگون (دوشنبه، ۱۰ میزان)، سلام‌وطندار گه ایتیشیچه، تورکیه حکومتی انقره ده افغانستان ایلچیخانه‌سیده اوشبو مملکت حاضرگی سرپرست حکومتی نینگ بیر دیپلوماتینی قبول قیلگن.
بیزلرنینگ فیسبوک صحیفه‌میزگه باش اورینگ!
مذکور منبع نینگ کوپه‌یتیریشیچه، افغانستان نینگ اوشبو دیپلوماتی تیزلیک بیلن باشقه دیپلومات‌لر کبی ایلچیخانه قانون_قاعده‌لری اساسیده ایشگه باشلشی ممکن.
اونگه کوره، تورکیه پایتختی انقره ده افغانستان ایلچیخانه‌سی اختیاری حاضرگچه اسلام امیرلیگی سرپرست حکومتی گه تاپشیریلمه‌گن و مذکور ایلچیخانه سابق ایلچی و دیپلومات‌لر تامانیدن باشقریلماقده.
اسلام امیرلیگی سرپرست حکومت سوزلاوچیسی و تشقی ایشلر وزیرلیگی، اوشبو خبرنی یازگونچه بوتوغریده فکر_ملاحظه بیلدیرمه‌گن و سلام‌وطندار گه نینگ سوالی گه هم جواب قیتیرمه‌گنلر.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، بوندن آلدین سرپرست حکومت استانبول ده افغانستان قنسول‌گرلیگیگه دیپلومات معرفی قیلگن ایدی و اوتگن ییل دن بیری اوشبو قنسول‌گرلیک اسلام امیرلیگی دیپلومات‌لری تامانیدن باشقریلماقده.
