سرپرست حکومت ترانسپورت و هوا یول‌لری وزیرلیگی‌نینگ هواشناسلیک ریاستی ایرته (۲۹_جدی، شنبه)، مملکت‌نینگ ۲۹ ولایتیده کوچلی قار و یامغیر یاغیشی، سوو تاشقینی و بوران یوز بیریشی احتمالی‌دن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
اوشبو ریاست اوز اکس صحیفه‌سیده بیر بیانیه ترقه‌تیب، سالنگ‌لر شامل هرات، فراه، هلمند، قندهار، زابل، ارزگان، غور، بادغیس، فاریاب، جوزجان، سرپل، بامیان، دایکندی، پکتیکا، غزنی، پکتیا، لوگر، میدان‌وردک، سمنگان، بلخ، بغلان، پروان، کابل، پنجشیر، نورستان، بدخشان، کاپیسا، ننگرهار و لغمان ولایت‌لریده کوچلی یاغینگرچیلیگ، سوو تاشقینی و بوران یوز بیریش احتمالی پیش‌بینلیک بولگنی‌نی بیان قیلگن.
شونینگدیک ترانسپورت و هوا یول‌لری وزیرلیگی‌نینگ هواشناسلیک ریاستی، اوشبو ولایت‌لرنینگ تورلی منطقه‌لریده یامغیر یاغیش میزانینی ۱۵ دن ۵۰ ملی‌متر و قار یاغیش میزانینی ۱۰ دن ۴۰ سانتی‌متر پیش‌بینلیک قیلگن.
بیزلرنینگ «ایکس» ترماغی ده هم تعقیب قیلینگ!
مذکور ریاست گه کوره، سالنگ‌لر شامل مملکت‌نینگ غربی، جنوبی، شرقی و مرکزی ولایت‌لریده کوچلی بوران یوز بیریشی ممکن که اونینگ تیزلیگی، بیر ساعت‌ده ۵۰ دن ۱۱۰ کیلومتر پیش‌بینلیک بولگن.
