کاپیسا معارف ریاستی مسئوللری نینگ ایتیشلریچه، مذکور ولایت نجراب تومنی نینگ «آهنگران» قیشلاغیده، «خالد ابن ولید» آتیده بیر مکتب قوریلگن.
بیزلرنینگ فیسبوک صحیفه‌میزگه باش اورینگ!
کاپیسا معارف باشلیغی محمدفرید حقانی نینگ سلام‌وطندار گه ایتیشیچه، اوشبو مکتب ۲۲-سنبله، پنج‌شنبه کونی بیر میلیون ۸۰۰ مینگ افغانی ارزشی‌گه هارون نظری اسملی محل یشاوچیلریدن بیری نینگ مالی همکارلیگی بیلن قوریلگن.
جناب حقانی نینگ کوپه‌یتیریشیچه، آلتی صنف‌لیک اوشبو مکتب بیر قوت‌ده زمانه‌وی شکلده قوریلیب و ۲۵۰ اوقووچی گه تعلیم آلیش زمینه‌سی یره‌تیلگن.
بو بیلن بیرگه، غزنی معارف ریاستی نینگ نشرات بولیمی مدیری میاگل صدیق نینگ ایتیشیچه، اوتگن کونی اوشبو ولایت قره‌باغ تومنی‌ده «ابو ریحان البیرونی» لیسه‌سی نینگ قوریلیش ایشی باشلنگن.
اونینگ کوپه‌یتیریشیچه، مذکور مکتب ۱۱ جریب مساحت ییرگه قوریلیب و بو مکتب اوچون ۱۶ صنف، بیر اداره و باشقه امکانیتلر نظر گه آلینگن.
بیزلرنینگ «ایکس» ترماغی ده هم تعقیب قیلینگ!
جناب صدیق نینگ کوپه‌یتیریشیچه، ۹۵ مینگ دالر گه قوریله‌دیگن بو مکتب خره‌جتی غزنی یشاوچیلری آرقه‌لی توللنیب و اونینگ قوریلیشی بیلن ۴۰۰ اوقووچی گه تعلیم آلیش زمینه‌سی یره‌تیلیشی ممکن.
مکتب، درسی اوسکونه‌لر و مسلکی اوقیتووچی کم‌لیگی، افغانستان تعلیمی توزومی برابریده‌گی اینگ اونملی قیین‌چیلیکلردن بولیب و سونگی ییل‌لر ولایتلردن قطاریده‌گی یشاوچیلر مکتب قوریش بیلن بو قیین‌چیلیک نینگ کمه‌یشی خصوصیده یاردم بیرگنلر.
