لوگر یشاوچیلریدن بیرقطاری گه کوره، بیره‌ملرده هوایی اوق آتیش اېسکی عادت بولسه‌ده؛ بیراق بو عادت گه چېک قوییلیشینی اېسته‌یدیلر.
لوگرلیک بسم‌الله‌نینگ ایتیشیچه، اوتگن ییلی خورسندلیک بیر مراسم‌ده هوایی اوق آتیش‌ده ۱۲ یاشر بیر باله ایاغی‌دن یره‌لندی و دوالنیش‌دن کېین هم ضرری همان قالگن.
لوگر یشاوچیلری گه کوره، بیره‌ملرده هوایی اوق آتیش بو ولایت‌ده ایسکی عادت بولسه‌ده، بیراق ایریم پیت‌لرده خورسندلیک ماتم گه ایلنیشی گه سبب بوله‌دی. «قیشلاغیمیزده توی بولگن ایدی. توی جریانیده اوق آتدیلر که نتیجه‌ده، قیشلاغیمیزده بیر باله ایاغ‌‌دن یره‌لندی. درست شکلده دوالنمه‌گنی اوچون ناگران بولدی.»
بیزلرنینگ «ایکس» ترماغی ده هم تعقیب قیلینگ!
لوگر یشاوچیلریدن باشقه بیری محمد بلال، بیره‌ملرده هوایی اوق آتیش‌نی ناتوغری عادت دیب و حکومت مسئوللریدن افغانستان بویلب بو عادت‌نی یوق اېتیش اوچون اقدام قیلیش‌لرینی سوره‌یدی. اونینگ ایتیشیچه: «خوش‌لیک مراسم‌لرده اوق آتیش یخشی بیر ایش ایمس. بو ایش اهالی‌نی قیین‌چیلیک‌لر بیلن روپه‌ره قیله‌دی و جمعیت‌ده بی‌نظم‌لیککه سبب بوله‌دی. شونینگدیک اهالی گه یامان تاثیر قویه‌دی.»
باشقه تاماندن، شفاکارلرنینگ ایتیشلریچه، هوایی اوق آتیش حامله‌دار عیاللر و کیچیک باله‌لر اوستیگه سلبی تأثیر قویه‌دی، شونی اوچون بیره‌ملرده بو عادت گه چېک قوییلیشی لازم.
لوگرلیک مزمل‌نینگ سلام‌وطندار گه ایتیشیچه: «اولر اوق آتیشی چاغیده، اوق آتیلیشی سیسی‌نی ایشیته‌دیگن کیشی‌لر تنی‌ده عصبی سمپاتیک آتیده‌گی سیستم فعال بوله‌دی. بو سیستم یوره‌ک اوریشی، معده اسیدی یوقاری کیتیشی، روده‌لر نامنظم حرکت‌لر ایجاد بولیشی، فشار یوقاری کیتیشی، باله‌لر قورقیشی و حامله عیال‌لر‌ده جنین‌‌نینگ توشیشی و شونینگدیک کیکسه‌لرده یوره‌ک حمله‌سی‌گه سبب بوله‌دی.»
لوگر معلومات و مدنیت ریاستی رسمی‌لری، بیره‌ملرده هوایی اوق آتیش‌نی ناتوغری عادت دیب و یوق اېتیش اوچون عملی اقدام بولگنیدن ایشانچ بیلدیره‌دی.
لوگر معلومات و مدنیت آمری محمدگل تسل سلام‌وطندار بیلن اوتکزگن صحبتیده، اهالی بیره‌ملرینی اجتماعی قدریت‌لرنی نظر گه آلیب اوتکزیش‌نی سوره‌یدی. «مینم‌چه، افغانستان‌لیک فرهنگ نقطه‌ی نظری‌دن بو ایش یخشی ایمس. چونکه قیشلاق‌ده اوق آتیلیشی چاغیده باشقه کیشی‌لر بو موضوع‌دن خبر سیز دیر که مذکور قیشلاق‌ده توی بار یا-ده بیران مراسم اوتکزیله‌‌دی. انه شوو سبب، اهالی اورته‌سیده خواطر و قورقوو گه سبب بوله‌دی.
بیزلرنینگ فیسبوک صحیفه‌میزگه باش اورینگ!
لوگر امنیتی مسئوللری گه کوره، اوتگن ییل‌دن بیری بیره‌ملرده هوایی اوق آتیش منع بولگن و هېچ کیمگه بونده‌ی ایش گه رخصت بیریلمه‌یدی.
اوشبو ولایت امنیه قوماندانلیگی سۉزلاوچیسی احمدالله انس‌نینگ ایتیشیچه: «لوگر ولایتی‌ده اوتگن ییل‌لردن بویان هوایی اوق آتیلیشی تقیق‌لنگن و هیچ کیم گه توی‌لرده پتاقی تشلنیشی یا-ده هوایی اوق آتیلیشی‌گه رخصت بیریلمه‌یدی. بو ایش‌نی قیلگن کیشی بیلن قانونی یانده‌شیلیشی ممکن.»
نه‌فقط لوگر اهالیسی بلکه باشقه ولایت‌لرنینگ یشاوچیلری بیره‌ملرده هوایی اوق آتیب و انده-سنده مهمان‌لرنینگ اولیب ویره‌لنیشی گه سبب بولگنی اېتیله‌دی.
