افغان‌قیزیل‌آی جمعیتی مسئوللری نینگ ایتیش‌لریچه، ۶ ولایت نینگ قشاق و کمبغل عیاللرنی کوچلنتیریش اوچون ۵۵ پروژه نینگ ایشی باشله‌تیلگن.
بوگون (یکشنبه ۱۱- عقرب) افغان قیزیل‌آی جمعیتی نینگ سکرتر جنرالی نیلاب مبارز کابل‌ده خبری بیر ییغین اوتکزیب ایتیشیچه، اوشبو پروژه‌لرگه عمل‌گه آشیریلیشی بیلن ۸۴۰ عیال خیاط‌لیک، صابون توزه‌تیش، تاووق‌دارچیلیک، چارواچیلیک و باشقه قطار بولیم‌لرده تعلیم کوره‌دیلر.
اوشبو پروژه‌لر عمل‌گه آشیریلیشی بیلن، کابل، هرات، ننگرهار، بامیان، کندهار و بلخ ولایت‌لری نینگ عیاللری کوچ‌لنتیریلیشی ممکن.
کابل باله‌لر اویی باشلیغی محمد سلیم وردک نینگ ایتیشیچه، اوشبو پروژه‌لرنی عمل‌گه آشییریشدن اصلی هدف طبیعی یا-ده غیر طبیعی واقعه‌لرده تورموش اورتاق‌لرینی قولدن بیریب، باله‌لر اوییده حیات کیچیره‌دیگن عیاللرنی کوچلنتیریش دیر.
اوشبو پروژه‌لر ۲۴۷ مینگ دالر خره‌جت کوتاریشی ممکن و اوشبو خره‌جت خلق‌ارا قیزیل آی فدراسیونی و قیزیل حاج نینگ فنی یاردمی بیلن کویت مملکتی نینگ قیزیل آی جمغرمه‌سی تامانیدن بیریله‌دی.
افغان قیزیل‌آی مسئوللری گه کوره، اوشبو مبلغ دن هر عایله اوچون ۱۱۵ دالر ارزشی گه جهاز ترقهتیلهدی.
افغان قیزیل‌آی مسئوللری نینگ ایتیش‌لریچه، قشاق و کمبغل عیاللرنی کوچلنتیریش پروژه‌سی عیاللرنی حمایت قیلیش اوچون ۵ ییل گچه دوام تاپیشی ممکن.