احصائیه و معلومات ملی ادارهسی، افغانستان قویاش ۱۴۰۴-ییل، اسد آییده ۱۴۴.۹ میلیون دالرلیک توار چیت ایل مملکتلر گه صادر قیلگنیدن خبر بیرگن.
اوشبو اداره، ۲۲-سنبله، شنبه کونی ایکس صحیفهسیده بیر بیانیه ترقهتیب بو حقده خبر بیرگن.
بیانیه اساسیده، افغانستان قویاش ۱۴۰۴-ییل، اسد آییده ۱۴۴.۹ میلیون دالرلیک توار چیت ایل مملکتلر گه صادر و عوضی گه بیر میلیارد ۱۹۵.۶ میلیون دالرلیک توار وارد قیلگن.
بیانیه گه کوره، مملکت صادراتی اوشبو قویاش ییل، سرطان آییده ۱۰۴میلیون دالر بولگن؛ بو رقم سرطان آیی گه نسبتن اسد آییده صادرات رقمی ۴۰.۹ میلیون دالر کوپهیگنینی کورستهدی.
شونینگدیک، اوشبو قویاش ییل سرطان آییده افغانستان بیر میلیارد ۱۹۱.۱ میلیون دالرلیک توار وارد قیلگن و بو رقم اسد آییده ۴۰.۵ میلیون دالر آشگنیدن درک بیرهدی.
افغانستان اوشبو آییده کوپراق پاکستان، هندوستان و بیرلشگن عرب امیرلیگیگه توار صادر قیلیب و عکسینچه ایران، چین و پاکستاندن کوپراق توار وارد قیلگن.
