هندوستاننینگ «هیماچال پرادش» ایالتیده محلی رسمیلرنینگ اعلام قیلیشیچه، ییر سیلجیشی طفیلی بیر اوتوبوسنینگ تاش-توپراق آستیده قالگنی نتیجهسیده، ۱۵ کیشی اولگن.
آسوشیتد پرسنینگ بوگون (۱۶-میزان، چهارشنبه)، گزارش بیریشیچه، بو واقعه اوتگن کون کیچ قورون هندوستاننینگ هیماچال پرادش ایالتی شمالی بولیمیده یوز بیرگن.
مذکور واقعه، ۲۰-۲۵ یولاوچیسی بولگن بیر اوتوبوسنینگ هیماچال پرادشدهگی تیپهلی بیر منطقه گه باریش چاغیده، ییر سیلجیشی عاقبتیده یوز بیرگن.
پولیسنینگ اعلام قیلیشیچه، شونینگدیک بوگون یوقالگن یولاوچیلرنینگ قوتقریش عملیاتی دوام قیلهدی، لیکن اولرنینگ اولگنلری هم توشینیلهدی.
هندوستان باشوزیری نارندرا مودی، بو واقعه قربانلری عایلهلری بیلن قیغوداشلیک قیلگن.
بو ییلگی کوچلی یاغینگرچیلیکلر، هندوستان، پاکستان، بنگلادیش، بوتان، سریلانکا، مالدیف و نپال شامل آسیا جنوبیدهگی منطقهلر بویلب سوو تاشقینی و ییر سیلجیشیگه سبب بولگن.
