ییرلرنی باسیب آلیشنینگ آلدینی آلیش و باسیب آلینگن ییرلرنینگ قیتریلیش کمیسیونی مسئوللری، کابل ده اوتکزیلگن خبری بیر ییغیلیشده ایتیشلریچه، افغانستان بویلب ۴۹.۷ میلیون جریب ییرنینگ باسیب آلینگنی انیقلنیب و اولر ارا، ۳.۹ میلیون جریبی تورلی ولایتلرده باسقینچلر یانیدن آلینگن.
مذکور ییغیلیشده عدلیه وزیرلیگینینگ امارتی قضیهلر بوییچه عمومی باشلیغی و بو کمیسیون سکرتری احسانالله وثیقنینگ ایتیشیچه، اوتگن ایکی ییلده ۱۲.۷ میلیون جریب ییر، ییر بانکیگه ثبت بولیب و اونینگ مالکیت حقوقی ایکینچیلیک وزیرلیگیگه اوتکزیلگن.
بیزلرنینگ «ایکس» ترماغی ده هم تعقیب قیلینگ!
چیگره، قوم و قبیلهلر وزیرلیگی اورینباسری و ییرنی باسیب آلیشنینگ آلدینی آلیش کمیسیونی اعضاسی محمداسماعیل غزنوی گه کوره، سونگی ایکی قویاش ییلده، یالغیز کابل ده ۶۶ مینگدن آرتیق جریب ییر باسیب آلینیب و باسقینچلر یانیدن قیته آلینگن.
شونینگدیک غزنوی، باسیب آلینگن ییرلرگه قوریلگن بنالرنینگ مالکیت حقوقی قیته آلینمهگنیگه اشاره قیلیب و ایتیشیچه: «باسیب آلینگن ییرلرگه بنا قورگن کیشیلر، زیان کورمسلیکلری توغریسیده ایشانچلی بولسینلر و اقتصادی کمیسیونگه مراجعت قیلیش بیلن، اولرگه آدیم آلدیم شرعی قباله بیریلهدی.»
بیزلرنینگ فیسبوک صحیفهمیزگه باش اورینگ!
ییر باسیب آلیشنینگ آلدینی آلیش کمیسیونی مسئوللریگه کوره، اسلام امیرلیگی رهبری فرمانی اساسیده، تیزلیک بیلن سرپرست حکومت توزیلمهسیده، «ییرلر و باسیب آلینگن ییرلرنی قیتهریش» اسمی آستیده ینگی وزیرلیک تشکیل ایتیلهدی.
